Kommune Qeqertalik Ikerasaarsuk angerlarsimaffimmi meeqqanik paarsisartussarsiorpoq
1. September 2025imaluunniit isumaqatigiissuteqarnikkut atorfinittussamik.
Angerlarsimaffimmi meeqqanik paarsisartup pisortaa qaninneq tassaassaaq Kangaatsiaq-mi Meeqqerivik Qupannaani immikkoortortani aqutsisoq.
Suliassat aamma akisussaaffiit:
·Meeqqat illersorneqarsinnaasumik naviananngitsumillu paarineqarnissaannik akisussaaffeqarneq.
·Meeqqat nakkutigineqaratik qimaqqusaanngillat.
·Angerlarsimaffimmi meeqqanik paarsisartoq illumit aneqqusaanngilaq aamma meeqqat qimaqqusaanngilai.
·Taakkua saniatigut meeqqat kimikinnerusunik ullaap tungaani, ullup qeqqanut, ualikkullu nerisinneqartassapput.
Atorfinittussamut piumasaqaatit:
·Angerlarsimaffimmi meeqqanik paarsisartoq nukissaqarluartuussaaq, nuannaartoq meeqqanik nal. 7:30-imiik tigooqqaanissaminut piareersimasartoq.
·Angerlarsimaffimmi meeqqanik paarsisartup angerlarsimaffia eqqiluitsuussaaq, torerluni aamma nal. 7:30 nallertinnagu silaannarittuussaaq.
·Meeqqanik pilersuisut meeraq pillugu paasissutissiinissaminnut periarfissaqartitaassapput.
·Illoqarfimmit imaluunniit nunaqarfimmit tikeraartut suliffiup nalaani iseqqusaassanngillat. Tikeraat angalasut isersimassagunik meeqqat isersimaffigisaannit inimi allami sapinngisamik isersimasassapput.
·Pujortarnermik inerteqquteqarneq pillugu Inatsisartut inatsisaat nr. 15, 26. maj 2010-meersumi § 7 naapertorlug meeqqanik paarsiviusumi inimi pujortartoqaqqusaanngilaq. Meeqqat pinnguarfigisartagaanni aamma isersimaarfigisartagaanni inini ulloq unnuarlu pujortartoqaqqusaanngilaq.
·Piffissami 7.30-imiit 17.00-p akornanni imigassartorneq inerteqqutaavoq
·Meeqqat sapigallit peqqinnissarlu peqqutigalugu illup iluani uumasuuteqarneq inertoqqutaavoq.
Akissarsiat atorfeqarnermilu atugassarititaasut:
Namminersortik oqartussat SIK-llu akornanni kommunip angerlarsimaffimmi meeqqanik paarsisartui pillugit isumaqatigiissut naapertorlugu atorfinititsisoqassaaq.
·Atorfik sapaatip-akunneranut piffissaq tamakkiisoq 47½ timiit suliffiusussatut aamma piffissap ilaa nalunaaquttap akunneri 30-it sivisussusilimmik suliffigineqartassaaq.
·Sapaatip-akunnerata ulluini siullerni tallimani 7:30-miit nal. 17:00-p tungaanut ammatitsisoqartassaaq.
·Nal. 17-p kingorna qaangiuttoornermusianik akissarsititsisoqartassanngilaq, qaangiuttoornermusiat 2.400 koruuninik qaammammut suliartoqquneqariartaarnissamut tapinit, piffissami tamakkiisumi sulisartunut tunniunneqartartunit, matussuserneqartarmata.
Atorfik inissaqartitsinngilaq.
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Taassuma saniatigut inoqutigiinni inuit 15-it sinnerlugit ukiullit tamarmik meeqqanik pinerliisimannginnerinik uppernarsaatit aamma pissarsiarineqartussaassapput. Qinnuteqartup peqqissuunissaa piumasaqaavoq, tuniluussinnaasumik nappaateqannginnissaq qulakkeerneqassaaq.
Inuk attaveqaataasoq:
Atorfik pillugu paasissutissat amerlanerit Kommune Qeqertalik Kangaatsia-mi Meeqqerivik Qupannaani immikkoortortami aqutsisoq Thora Petersen, oqarasuaat 38 71 32 imaluunniit maili: thpe@qeqertalik.gl –mut saaffiginnilluni pissarsiarineqarsinnaapput.
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: aggustip 27.-at, 2025