Sumiiffik: Kommune Qeqertalik Qeqertarsuaq
Piffissamik aaliangersimasumik atorfinitsitsineq: 1. Oktober 2025-miik imaluunniit isumaqatigiinnikkut 30. April 2029 tungaanut atorfeqartussaq.
Sunngiffimmi pisortatut atorfik ataatsimut isigalugu
·Sunngiffimmi pisortaq najukkami Timi Tarnilu ataani inissisimavoq.
·Kulturikkut ingerlatsineq sunngiffimmilu sammisassaqartitsineq pillugit Inatsisartut inatsisaat naapertorlugu ingerlanneqartut Sunngiffimmi Pisortap Timi Tarnimilu pisortamut akisussaaffeqarluni ingerlatarai.
·Qeqertarsuarmi Sunngiffimmi pisortap akisussaaffeqarfii/suliassaqarfii ilaatigut makkuupput:
- Meeqqanut, inuusuttunut kiisalu inersimasunut sunngiffimmi atuartitsineq
- Atuareernerup kingorna ornittakkat
- Inuusuttut Klubbiat
- Qeqertarsuarmi timersortarfik
- Eqqumiitsuliortut sulliviat
- Innuttaasut illuat
- Katersugaasivik
- Nunaqarfimmi Kangerlummi Kulturikkut kiisalu sunngiffimmi sammisassaqatitsineq
- Kiisalu kultureqarnermut aamma tiimersornermut tapiissutinik allaffissornikkut aqutsineq
- Sunngiffimmi pisortaq Qeqertarsuarmi sunngiffimmi sammisassaqartitsivinni kiisalu kulturikkut ingerlatani aqutsisunut qullersaavoq kiisalu taakkununnga missingersuutitigut aamma aqutsinikkut akisussaasuulluni.
Qinnuteqartup piginnaasai:
- Atorfimmut attuumassutilimmik ilinniagaqarsimassaaq, aqutsinermik misilittagalik, kulturikkut imaluunnit sunngiffimmi sammisassaqartitsinikkut suliaqarnermut ilisimasalik
- Qarasaasiamik atuisinnaanermut ilisimasaqarneq.
- Akisussaassusilik, uninngaannanngitsoq kiisalu sullarissoq. Paasinneriallaqqissoq, pisuni puullaaqiffiusuni qaangiisinnaasoq kiisalu eqaatsumik periusilik. Suleqatikkuminartoq, saaffigiuminartoq patajaatsorlu. Timikkut tarnikkullu peqqissoq. Takorluuisinnaassusilik kiisalu ineriartortitsineq eqqarsaatigalugu nutaaliorsinnaassusilik.
- Meeqqanut kiisalu inuusuttunut naalakkersuinikkut anguniakkat aallaavigalugit kiisalu Kommune Qeqertalimmi sulisunut malittarisassat atuutut naapertorlugit sulinissamut piumassusilik.
- Qinnuteqartut kalaallisut qallunaatullu oqalussinnaasut piumaneqarnerupput.
Akissarsiat - atorfininneq - ineqarneq:
Akissarsiat- atorfininnermilu atugassarititaasut, Naalakkersuisut kiisalu kattuffiup isumaqatigiinniartussaatitaasup akornanni atorfininnerup nalaani isumaqatigiissutaasut naapertorlugit atorfininneq pissaaq.
Atorfimmut atasumik inissaqartitsisoqanngilaq
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Atorfik pillugu paasissutissat annertunerusut Timi Tarnimilu aqutsisumut Felix Olrik-imut, feol@qeqertalik.gl, oqaraasuaat.: 387184 saaffiginninnikkut pissarsiarineqarsinnaapput.
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: septembarip 9.-at, 2025