Kommune Qeqertalik, Aasiaat, utoqqaat illuannut paaqqutarisariaqartullu angerlarsimaffiannut pisortap tullianik ulloq: 01. September. 2025 imaluunniit isumaqatigiissuteqarnikkut atorfinittussamik pissarsiorpoq.
Utoqqaat illuanni paaqqutarisariaqartullu angerlarsimaffianni DIKP-mi sulisut katillugit 60-it missaanniipput.
Utoqqaat illuat paaqqutarisariaqartunullu angerlarsimaffik 34-nik inissaqarpoq, qasuersaartitsiffeqarlunilu inimik ataatsimik kiisalu angerlarsimaffinniittunik sullitaqarluni.
Pissarsiarerusutaq peqqinnissamik ilinniagaqarsimasoq, Aqutsinermik misilittagalik aammalu allaffissornikkut ilinniagaqarnikkut misilittagaqarsimasuussalluni. Eqaattumik naleqqussarsinnaasumik suliassanut amerlasuunut unamminarsinnaasunut sulilluarsinnaasoq.
Pisortap tullia Utoqqaat illuani Pisortamik qullersaqassaaq, ulluinnarnilu INUIT-ni pisortaq peqatigalugu, ingerlatsinermut sulisoqarnermullu isumalluutinik aqutsinermut akisussaasuussalluni.
Akisussaaffiit aamma immikkoortuni suliassat
Pisortaq peqatigalugu ulluinnarni ingerlatsinermi pingaarnertut akisussaaneq, pisortaq aammalu allaffissornikkut suliaqartoq missingersuutinut aamma naatsorsuutinut aningaasaqarnikkut aqutsinermut akisussaaqataaneq.
Peqqinnissap tungaatingut peqqissaasoq aammalu immikkoortortani Teamlederit peqatingalungit siuarsaaqataaneq.
Suliassatit pingaarnerit
·Aqutsineq suliassanillu agguataarineq.
·Vagtplan, sulinngiffeqarfissat aammalu suliakkiussat
·Aningaasaqarneq tamaat isingangalungu
·Sulisunik siunnersuineq ilitsersuinerlu
·Peqqissaasutut suleqataasoq peqatigalugu peqqissutsikkut tunngavissarititaasunik qulakkeerinninneq, kaammattuinerlu/ilitsersuinerlu.
·Imaajaaqatigiinneq, aqqutissiuineq aammalu ilisimasat pillungit immersoqatigiinneq
·Ineriartortitsineq, aaqqissuussineq ilinniaqqilernermi kingornalu
·Sulisunik paaqqutarinnittunik siunnersuisarneq ilitsersuisarnerlu.
·Ataatsimeeqateqartarneq aaliangiinerit ajunngittumik kinguneqarnertitsineq illorsuup iluani aammalu avataani suleqatinut
·Atortorissaarutit pillungit suliaqarneq, pillorissaasoq, tangiartuisartoq qanimut peqatigalungit.
Ilinnik naatorsuutit
Ilinniagaqassutsikkut.
·Peqqinnissap tungaatingut ilinniarsimasoq soorlu, Peqqissaasoq imaluunniit Sundhedsassistent
·Aqutsinermi paaqqutarinninnermi misilittagaqarsimasoq, kisiannili piumasaqaataanngilaq
·Peqqussutinut, aaliagerskkanut ilisimasaqartoq aammalu taakkununnga misissuinissaminut piumassusilik
·Puiuttornermut, piartornermut aammalu utoqqaliartornermut ilisimasalik
·Paaqqutarinninnermi ilisimasanik sulisunut kivitseqataassusilik
Inuttut:
·Ulluinnarni ulapaarfiusuni, suliassat qanorluunniit assigiinngitsingingaluartoq tamanik malittarinnissinnaasoq
·Eqaattumik, naleqqussarsinnaassusilimmik suleriusilik
·Sulerusussuseqarluartumik attaveqarluarsinnaasoq
·Kalaallisut qallunaatullu oqalussinnaasoq
·Akisussaassusilimmik kajumissuseqarluartumillu ilinniartitsisinnaasoq, peqataatitsisoq
Pineqaatissinneqarsimannginnermik uppernarsaat
Una atorfik pinerluuteqarsimannginnermut uppernarsaammik pissarsiornissamik piumasaqaatitaqarpoq. Inatsit naapertorlugu atorfinitsinneqarneq aatsaat pisinnaavoq pinerluuteqarsimannginnermut uppernarsaammik kommune tigusaqarsimappat. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pinerluuteqarsimannginnermut uppernarsaammik Politiinit aatsaat pissarsereerpat.
Aningaasarsiatigut atorfeqarnermilu atugassarititaasut
Akissarsiatigut atorfininnermilu atugassarititat, isumaqatigiissut atuuttoq naapertorlugu aalajangiiffigineqartassapput.
Atorfininnermut atatillugu ukiullu pingasut atorfeqareersimagaanni angerlarnissamut akiliunneqarluni angalasoqarsinnaavoq, ilaquttat ilagalugit, aammalu atorfimmut atatillugu inissaqartitsisoqarpoq.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Qilanaarpungut qinnuteqarnissarnut. Atorfik pillugu annertunerusumik paasisaqarusukkaanni Utoqqaat illuanni pisortaq Risa B. Rafaelsen attavigineqarsinnaavoq email: rira@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput
Qinnuteqarnissamut killissarititaasoq: aggustip 28.-at, 2025