Kommune Qeqertalik Aasiaat meeqqanut ilaqutariinnullu tunngatillugu suliaqarnermi nukittorsaaniarpoq, taamaattumillu ilaqutariit illuini aqutsisunik pisariaqartitsivoq. Kommunalbestyrelsip kissaatigaa ilaqutariit atugarliortut pillugit suliaqarnermi pitsanngorsaasoqarnissaa, aammalu ilaqutariit pitsaanerpaamik ikiorneqarsinnaanissaat.
Meeqqanut ilaqutariinnullu sullissineq uummateqarfigaajuk? Aamma aqutsisuunissat, kiisalu ilaqutariit pillugit suliaqarnermi ineriartortitsinissamut peqataanissat piumassuseqarfigaajuk?
Suliffik pillugu:
- Immikkoortortaqarfimmi aqutsisuussaatit, aammalu ilaqutariit meeqqallu pillugit suliaqarnermi pisariaqartitsineq naapertuutillugu aaqqissuussinissaq qulakkiissavat.
- Sulisunik isumaginninneq.
- Sulisunuk akisussaaneq
- Aningaasatigut akisussaaffeqarnissaq.
- Ilaqutariinnik katsorsaasinnaaneq, aammalu ajornartoornermi ikiuinissamut piginnaaneqarnissaq.
- Inuit immikkoortortaqarfiat suleqatigilluarnissaa qulakkiissavat.
- Suliami ineriartortitsinissamut peqataaneq, immikkoortortaqarfinni aqutsisunik suleqateqarluni.
- Piginnaanissat naapertorlugit, najukkami ineriartortitsinissamut peqataaneq.
- Psykoterapeuti/familievejleder, meeqqanut ilaqutariinnullu tunngatillugu suleqatigiinnermi peqataasinnaasoq, aammalu ilaqutariit ajornartorsiuteqartillugit suleqataanissamut piumassuseqartoq ujartorparput.
Illit pillutit:
- Socialrådgiveritut ilinniarsimasuunissat naatsorsuutigaarput, imaluunniit perorsaanermut tunngasumik ilinniarsimasuunissat, aammalu katsorsaasarnermik ilikkagaqarsimanissat (psykoterapeuti, ilaqutariinnik katsorsaasarneq, supervision, sakkortuunik nalaataqarsimasunuk katsorsaasarneq il.il.).
- Piginnaaneqarlutit akisussaaffeqarlutit sulinissat, aammalu suleqatigiinnermi peqataarusussuseqarlutit.
- Toqqissisimanermik, tatiginninnermik aammalu aaqqissuussinermik pilersitsisinnaaneq – aamma ajornakusoortumik pisoqartillugu.
- Inunnut ataqqinnittumik pissuseqarlutit.
Neqeroorutigaavut:
- Meeqqanut ilaqutariinnullu tunngatillugu suliaqarnermi ineriartortitsinissamut peqataaneq.
- Supervision, aammalu Namminersornerusut aqqutigalugu ilinniagaqarnissamut periarfissat.
- Piginnaanernut inuttullu ineriartortitsinissamut periarfissat.
Attaveqarfissat: Qaammaavik pillugu, aammalu Kommune Qeqertalik-imi ilaqutariit illui pillugit paasissutissanik pisariaqartitsillutit, imaluunniit apeqqutitit pillugit, attavigiuk: Martha Lund Olsen, mlo@qeqertalik.gl
Akissarsiat atorfininnermilu atugassarititaasut:
Akissarsiat atorfininnermilu atugassarititaasut atuuttut naapertorlugit isumaqatigiissutit naapertorlugit ingerlanneqassapput.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Atorfininneq kissaatigineqarpoq 1. februar 2026. Oqaloqatigiinnerit ingerlaavartumik ingerlanneqassapput – taamaattumik piaartumik qinnuteqarit!
Qinnuteqarnissamut killissarititaasoq: decembarip 26.-at, 2025