Kommune Qeqertalik, Aasiaat, entreprenøreqarfimmi formandissamik pissarsiorpoq 15. januar 2026 imaluunniit isumaqatigiissuteqarnikkut sulilersussamik.
Inoqarfiup ingerlatai innuttaasunut kiffartuussinerit anartarfilerineq, eqqaavilerineq silamilu sulisuusut 10-it formandip nakkutigissavai, suliassanik agguataarineq, pilersaarusiorneq suliassallu suliarineqarnissai qulakkeertassallugit.
Formandip suliassat qulakkiigassai pingaarnerit makkuupput:
· Aqquserngit ingerlaffigiuminartuunissaat aserfallatsaalinerilu
o Asfalterineq
o Ukiuunerani aputaajaaneq isumaqatigiissut malillugu
o Ukiuunerani siorarterineq aasaaneranilu sioraajaaneq
o Kusserngit
· Aserfallatsaaliineq
o Puttasut
o Majuartarfiit
o Inuit ornittagai
o Kommuunip illuutai
· Qimminik Uumareg-imut nalunaarsuineq, kapuuineq, ukiup sisamararterutaanut qimmit nalunaarutigineri.
· Qitsunnik, qimminik allanillu uumasunik ajoqutaasinnaasunik toqoraaneq.
· Illoqarfimmi ungataanilu saliineq.
· Ukiumut ataasiarlutik ileqquusut pisartut soorlu inuiattut ullorsiornerit, orpiliarnerit kiisalu kommunep aaqqissuussaanik sammisaqartitsinerni suliassat suliarissallugit.
· Sulisut timesedlinik isumaginninneq
· Malittarisassat isumaqatigiissutillu malillugit sillimasuusarneq.
· Entreprenøreqarfimmi allaffissorneq akiligassallu takkuttut isumagalugit
Formandimut piumasaqaatit:
· Sanasutut imaluunniit assassornikkut il.il. ilinniarsimanissaq
· Suleqatigiinnik arlalinnik inuttaqartunik nakkutilliinermut misilittagaqarneq
· Biilernermut allagartaqarneq, minnerpaamik mikineq
Atorfininnermut akissarsiaqarnermullu pissutsit:
Atorfininnermi atugassarititaasut Naalakkersuisut aamma Sulisunik Siulersuisut Kattuffiata akornanni isumaqatigiissut atuuttoq naapertorlugu atorfinitsitsineq pissaaq.
Naatsorsuutigisariaqarpoq sapaassuarni kiisalu sap. Akunnerisa naaneri allortarlugit, unnukkut unnuakkullu pigaartuusarnissaq, pigaartuunermut pilersaarusiat aalajangersimasut malillugit.
Atorfimmut atatillugu inissaqartitsisoqanngilaq.
Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Atorfik pillugu paasissutissanik erseqqinnerusunik pissarsiniaraanni Inoqarfimmi ingerlatsinermi akisussaasumut Arrutaq Kujaukitsoq mail: arru@qeqertalik.gl oqarasuaat 70 19 00 sianerfigalugu pissarsiarineqarsinnaapput.
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: decembarip 31.-at, 2025