Kommune Qeqertalik, isumaginninnermik siunnersortimik, perorsaasumilluunniit ilinniagalinnik, ilaqutariinnik aqqutissiuisussamik pissarsiorpoq. 1. Februar 2026 imaluunniit isumaqatigiinneq aallaavigalugu, atorfinittussanik pissarsiorpoq.
Pingaarnertut suliassat
·Ilaqutariinnik katsorsaaneq siunnersuineq aqqutissiuinerlu
·Tamanut ammasumik oqaloqatiginninnerni tingooraaqataaneq
·Pinartoqartillugu upalungaarsimasunut peqataaneq
·Siusinaartumik suliniaqatigiinniit anaananik innersuussanik oqaloqateqarneq
·Ilaqutariinnik aqqutissiueqatigiisitsinerni suliniuteqartuuneq aaqqissuisuunerlu
·Meeqqanik inuusuttuaqqanillu kanngutsaattuliorfigineqarsimasunik oqaloqateqarneq
Pingaartipparput
- siunnersortitut, perorsaasutulluunniit ilinniarsimasuunissat, psykoterapeut
- Namminersuussisinnaaneq
- Akisussaassuseqarneq
- aalajaatsuunerlu
- nutaaliorsinnaanerlu
- oqaaseqarneq (piumasaqaataanngilarli)
- piginnaasaqarnissat
- sullissinermut ilisimasaqalaarnissaq
- ilinniakkatigullu unammillersinnaassuseqarneq
- isummanillu allanik inissaqartitsisinnaassuseqarneq
- ataqqinnissuseqartumik suleqatiginnissinnaallunilu paasinnissinnaassuseqarneq
Akissaatinut atorfininnermullu tunngatillugu atungassarititaasut
Akissarsiat atorfininnermilu atugassarititaasut, Naalakkersuisut kiisalu kattuffiup isumaqatigiinniartussaatitaasup akornanni atorfininnerup nalaani isumaqatigiissutaasut naapertorlugit atorfininneq pissaaq.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Pinerliisimannginnermut uppernarsaat
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Atorfik pillugu annertunerusumik paasissutissanik Kommune Qeqertalik, email mlo@qeqertalik.gl allaffigalugu pissarsiarineqarsinnaapput.
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Atorfininneq kissaatigineqarpoq 1. februar 2026. Oqaloqatigiinnerit ingerlaavartumik ingerlanneqassapput – taamaattumik piaartumik qinnuteqarit!
Qinnuteqarnissamut killissarititaasoq: decembarip 29.-at, 2025