Kommune Qeqertalik, Aasiaat, Fritidsklub Igdlo ikiortimik pissarsiorpoq 01 februar imaluunniit isumaqatigiissuteqarnikkut atorfinittussamik pissarsiorpoq.
Fritidsklub Igdlo atuareernerup kingorna 1-2 klassemi atuartunut sukisaarsaartarfittut orningarneqartarpoq, taamatuttaarlu unnukkut 8 klassemiik 21-t tikillungu ukiullit ataasinngornermiik sisamanngorneq ilanngullugu 19:00-miit 22:00 tungaanut ammasarpoq, tallimanngorneq arfininngornerlu 19:00-miit 23:00 tungaanut ammasarluni. Ulluinnarnilu 08:30 sulisunik inoqalereersimasarpoq 16:30 tungaanut.
Fritidsklub Igdlomi pissutsit:
·Klubbimi atorfik tamakkiisumik suliffiuvoq sap.ak. nal.ak. 40-t.
·Fritidsklub Igdlomi ingerlatsineq immikkoortortaqarfiup TIMI TARNI ataani inissisimavoq.
Qinnuteqartussamut piumasaqaatit:
·Akisussaassusilik, takunnissinnaasoq naleqqussarsinnaasorlu.
·Ulapaarfimmi eqqissisimasumik ingerlatsisinnaasoq, eqaatsumik suleriuseqartoq, suleqatikkuminartoq aalajaatsorlu.
·Timikkut tarnikkullu peqqissoq kiisalu ammasoq qiimasorlu.
·Fritidsklub Igdlo-p anguniagai iliuusissatullu pilersaarutai aallaavigalugit sulisinnaasoq.
Akissarsiat atorfeqarnermilu atugassat:
·Atorfinitsitsinermi akissaasersuineqassaaq isumaqatigiissutit atuuttut malillugit.
·Atorfimmut paasissutissat erseqqinnerusut pissarsiarineqarsinnaapput uunnga saaffiginninnikkut: Fritidsklub Igdlomi pisortaq Paannaaq Stork oqarasuaat 89 47 83.
·Pisortatigoortumik pineqaatissinneqarsimannginnerup allagartaa aammalu meeqqanut allagartaq naammaginartumik naammassisimagaanni atorfinitsinneqarneq pisarpoq, taakkua atorfinitsinneqartussamut neqeroorfigineqartumit akuersissummik pereernikkut sulisitsisumit rigspolitinut piniarneqartarput.
Atorfimmut atatillungu inissaqartitsisoqanngilaq
Meeqqanik pinerliisimannginnermut aammalu pineqaatissinneqarsimannginnermut uppernarsaat: Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: januaarip 16.-at, 2026