Kommune Qeqertalik HR-partnerissarsiorpoq 1. januar 2026 imaluunniit isumaqatigiissuteqarnikkut sulilersussamik – Erninermi sulinngiffeqartoqarnerani paarlatsitut
HR-imi sulianik suliaqarnermik nukittuffeqarpit aamma pitsaasumik atassuteqartarnernik pilersitsisinnaanermik piginnaasaqarpit? Aqutsisunillu oqaloqateqartarnikkut sulisoqarneq pillugu akisussaaffiit pillugit sakkussanik tunniussisinnaallutit? Suliffeqarfimmi siammasissumik attaveqarfiusumi sulineq kajumigaajuk?
Taava Kommune Qeqertalimmi immikkoortortami HR & Servicemi pissanganartumik erninermi sulinngiffeqartoqarnerani paarlatsitut ilinnut atorfiniffissaqartitsivugut.
Kommune Qeqertalik piginnaasaqarluartumik pimoorussisumillu erninermi sulinngiffeqartoqarnerani paarlatsitut HR-partnerissarsiorpoq, HR-ip kommunimilu aqutsisut akornanni attaveqaataasutut inissisimaqataasussamik, ilutigalugu tatigeqatigiinnermik pilersitseqataasussamik, tassani pingaartinneqarluni suliat pillugit oqaloqatigiinnerit aamma sulianut nammineq sunniuteqarsinnaaneq.
Suliassat amerlasuut ilavigaat:
HR-partneritut HR-ip aamma kommunimi immikkoortortat, suliffeqarfiit il. il. akornanni attaveqaataasutut inissisimassaatit, ilaatigut makku pingaarnertut suliarissallugit:
-HR-imi suliat tamaasa eqqarsaatigalugit aqutsisunik siunnersuineq aamma aqqutissiuineq, ilanngullugit sulisoqarnermut inatsisitigut ajornartoorutinut tunngasut
-Aqutsisunik ineriartortitsineq – aqutsisut misilittagallit aamma nutaat aqutsisutut ineriartorneranni tapersersuineq, aqqutissiuineq aamma siunnersuineq aqqutigalugu
-Aqutsisuuneq, attaveqatigiinneq aamma allannguinermi aqutsineq pillugu suliat pillugit aqutsisunik tapersersortaaneq
-immikkut ittumik inatsisinik tunngaveqarluni sullissineq
-Sulisoqarneq pillugu periusissatut suliniutit
-Ilinniartut
-HR-imi ineriartortitsineq tassunga ilanngullugu sulisoqarneq pillugu politikit
-Suliassat takkussuuttut (Ad hoc)
Kissaatigaarput:
-Sulisoqarnermut tunngasunik ilinniarluarsimasuusutit, aamma/imaluunniit misilittagaqartutit
-Suliffeqarfik politikikkut aqunneqartumi sulinermik misilittagaqartutit
-Suliffeqarfimmi angisuumi inuit suleqatigiinneri pillugit soqutigisaqarlutillu ilisimasaqarfigissagitit
-Ammasuussasutit aamma attaveqaqatigiinnermik piginnaasaqarluassasutit
-Kalaallisut danskisullu oqalussinnaasutit aamma allassinnaasutit
-Takorluuisinnaasutit angusaqarusuttuusutillu
-Ajunngitsumik inunnut isiginnittuusutit, ilinnullu tatiginnilersitsisinnaassuseqartutit
-Suliffimmi avatangiisinik pitsaasumik tunniussaqarsinnaasutit
Uagut neqeroorutigaagut:
- Atorfik namminersorfiusoq suliatigut inuttullu ineriartornissamut periarfissaqarluartoq
- HR-ip ineriartortinneqarnissaanut kommunimi qitiusumik inissisimaffik aallaavigalugu sunniuteqarsinnaaneq
- Immikkoortortaq iluamik ingerlasoq, ataatsimuussuserlu pingaartinneqartoq
- Tatigeqatigiiffiusumik pitsaasunik atugaqarluni suleqatigiinneq
- Soqutiginartuni pikkorissaqataaneq ineriartornissamullu periarfissat pitsaasut
Kikkuuvugut?
HR-partneritut sulisoqarneq pillugu immikkoortortami assigiinngitsunik piginnaasalinnik tallimanik sulisulimmi ilaalissaatit, taakkulu tamarmik Sulisoqarnermi pisortaq pisortarissavaat.
HR & Service kiffartuussiviuvoq, INUANI inissisimalluni. HR & Service saniatigut, INUAniipput aamma aningaasaqarnermut immikkoortortaq, qarasaasialerisut, allattoqarfik, ataqatigiissaarisut aamma qullersaqarfik.
HR & Servicep anguniagarivaa kommunimi aqutsisut sulinissaannut pitsaanerpaamik tunngavilerneqarnissaat. Taamaattumik pingaartipparput imminut oqaloqatigiinneq aamma suleqatigiinneq suliat pitsaanerpaamik naammassineqarniassammata.
Akissarsiat atorfinitsitaanermilu atugassarititaasut:
Atorfininnermi atugassarititaasut Naalakkersuisut kattuffiullu isumaqatiginninniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfininneq piffissami aalajangersimasumi atorfiuvoq 31. Marts 2026 tungaanut, sivittorneqarsinnaavoq imaluunniit atorfinitsitsisoqarsinnaalluni.
Inissaq:
Atorfimmut atatillugu inissamik innersuussisoqarsinnaanngilaq.
Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Atorfik pillugu paasissutissat sukumiinerusut Sulisoqarneq pillugu pisortamut Anja Jensenimut email: anja@qeqertalik.gl-imut pissarsiarineqarsinnaapput
Qinnuteqarneq
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: decembarip 27.-at, 2025