Kulunnguaq pillugu paasissutissat.
Meeqqerivik Kulunnguaq meeqqanut 60-nut naatsorsuussaavoq, meeqqanut 3-6-nut ukiulinnut, init meeqqeriviusut 2-upput, sulisoq igaffimmioq eqqiaasorlu ilanngullugit 10-upput.
Meeqqanut suli atualinngitsunut inatsisartut inatsisaat nr. 62, 20. november 2023-meersoq malillugu sulineq ingerlanneqartarpoq.
Perorsaasumik ilinniarsimasumik ukuninnga piginnaasaqartumik atorfissaqartitsivugut:
- Perorsaasutut ilinniarsimasoq.
- Meeqqanik nuannarisaqartoq, ataqqinnittoq ilumoorfiginnittorlu.
- Angajoqqaajusunut taamatullu suleqatinut ajunngitsumik attaveqaqatigiissitsisinnaasoq.
- Akisussaassusermik ilisimaarinnittoq tamanullu isiginnissinnaassusilik.
- Allanut ammasuusoq sullivimmilu tatiginarluartoq.
- Pingaartipparput kalaallisut oqaaseqartuussasutit.
Ilinnut uku neqeroorutigisinnaavagut:
- Meeqqat inequnartut, ilakkuminartut piumasarpassuaqartullu.
- Meeraaqqerivik ineriartortoq.
- Illup iluani silataanilu atugassat ajunngitsut.
- Suliffeqarfimmi suleqatigiit suleqatigiilluarnissaannik ineriartornissaannillu pingaartitsisoq.
- Aqutsisorlu attaveqatingiilluarneq, suleqatingiinneq, ikioqatingiinnerlu.
Meeqqerivik "Kulunnguaq"-mi meeqqanut suliniutit makku pingaartippavut:
- Angajoqqaajusunik sulisunillu suleqateqarnerup nukittorsarnissaa.
- kiisalu suliffeqarfimmi perorsaanerup ineriartortinnissaa.
- Meeqqap oqaatsitigut, timikkut tarnikkullu siuariartortinnissaa siunertaralugu
Akissaatinut atorfinitsitaanermullu tunngatillugit atugassarititaasut:Akissarsiaqarnermut atorfinitsitaanermullu atugassarititaasut Namminersorlutik Oqartussat NPK-llu isumaqatigiissutaat Imaluunniit allamik naleqquttoq atuuttuusoq Kalaallit Nunaannilu kattuffiup isumaqatiginninniarsinnaatitaasup isumaqatigiissutaat atuuttut malillugit.
Atorfinititsineq qaammatini pingasuni misiliutitaqassaaq
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Atorfimmut paasissutissat annerusut piniarneqarsinnaapput Meeqqeriviup pisortaanut Sabine Zeeb-imut saaffiginninnermi oqarasuaat 54 28 80, imaluunniit e-mail-ikkut saze@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: februaarip 24.-at, 2026