Kommune Qeqertalik Qeqertarsuarmi Utoqqaat Illuat peqqinnissamut ikiortimik/isumaginninnermut ikiortimik sulisussarsiorpoq 1. Marts 2026 imaluunniit isumaqatigiissuteqarnikkut sulilertussamik. Atorfik tamakkiisuuvoq piffissani assigiinngiaartunik suliffiusoq.
Suliassat akisussaaffiillu:
·Ineqartut tarnimikkut inooqataanermikkullu pisariaqartitaat naammassineqarnersut qulakkiissallugit
·Immikkoortortami ullormut suliassanut, tamassumap ataani eqqiaaneq il.il. peqataaneq
·Suleqataasut ilinniagaqanngitsut ilitsersorlugit ajoqersuullugillu
·Utoqqaat illuata anguniagai malittarisassaalu eqquutsillugit
·Silaannaap pitsaasup atatiinnarneqarnissaa anguniarlugu najugaqartut sulisullu akornanni paaseqatigiinneq pitsaasoq attatiinnarlugu
·Suliassat takkussortut assigiinngitsut suliaralugit
·Sapaatip akunneri allortarlugit sap.ak. naanerini sulisarneq
·Angerlarsimaffimmiit pigaartuuneq
Qinnuteqartup piginnaasai:
·Peqqinnissamut ikiortitut imaluunniit Isumaginninnermut ikiortitut ilinniagalik
·Akisussaassuseqartoq
·Sungiussiasoq qiimasorlu
·Suleqatikkuminartoq
·Utoqqarnik sullissinissamut piumassusilik soqutiginnittorlu
·Paaqqinninerup ineriartortinneqarneranut peqataaneq
·Ilinniartunik sungiusaaneq
·Suliffeqarfiup pitsaasumik, nutaaliorfiusumik, isumassarsivittut ineriartorfiusumillu ingerlanneqarneranut peqataaneq
Akissarsiat – atorfinitsinneqarneq:
·Akissarsiat atorfininnermilu atugassarititaasut, Naalakkersuisut kiisalu kattuffiup isumaqatigiinniartussaatitaasup akornanni atorfininnerup nalaani isumaqatigiissutaasut naapertorlugit atorfininneq pissaaq.
Atorfimmut inissaqartitsisoqanngilaq.
Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Attaveqarfissat:
Paasissutissat annertunerusut utoqqaat illuata aqutsisuanut Najattaannguaq Andersen-imut imaluunniit tullersortimut Pauline Wille-imut tlf. 92 29 27 imalt. E-mail: naan@qeqertalik.gl pissarsiarineqarsinnaapput.
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: februaarip 25.-at, 2026