Kommune Qeqertalik Aasiaat inunnik isumaginnittoqarfimmi innarluutilinnut sullissisussarsiorpoq 01. April 2026 isumaqatigiinnikkulluunniit atorfinittussamik.
Suliassat akisussaaffiillu ilaatigut makkuupput:
- Kommunip iluani innarluutillit atugaat pillugit ornigulluni nakkutiginninneq
- Inunnut Innarluutilinnut tunngasunik saaffiginnissutinik tigusisarneq siunnersuinerlu.
- Isumaginninnikkut inatsisit maleruaqqusallu toqqammavigalugit inunnut innarluutilinnullu ilitsersuineq sullissinerlu.
- Inatsisit atuuttut malillugit inunnut innarluutilinnut iluaqusersuutaasinnaasunik nalilersuineq qinnuteqartitsineq.
- Ataatsimiititaliamut tværfagligimut Inunnik isumaginninnikkullu ataatsimiititaliamut iluaqusersuutit atornissaannut qinnuteqaasiorneq.
- Inatsisit malillugit inunnut innarluutilinnut ikiorsiissutinik nalilersuineq, taamatuttaaq pisariaqartitaat naapertorlugit ikiorsiissutinik tunniussineq
Piginnaasat:
- Isumaginninnermik siunnersortitut ilinniarsimasoq, imaluunniit attuumassutilinnut ilinniagaqartoq
- Inunnut innarluutilinnut sullissinermik misilittagalik, ilanngullugit meeqqanut innarluutilinnullu ikiorsiinermut inatsit malillugu ikiorsiisarnermik misilittagaqartoq.
- Qarasaasiamit atortussanillu atuisinnaasutut ilisimasalik.
- Inunnut innarluutilinnut sullissisoq, tatiginartoq, aalajaatsoq, peqqissaartoq suleqatikkuminartorlu.
- Atorfinittussamut piumasaqaataavoq tarnikkut nukittunissaq.
Akissarsiatigut atorfeqartitaanikkullu atugassarititaasut:
Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Inissaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Annertunerusumik paasiniaasoqarsinnaavoq Aasianni susassaqarfik Inunnik isumaginnittoqarfimmi aqutsisumut Miimi Lynge-Olsvig oqarasuaat 70 19 00 imaluunniit milo@qeqertalik.gl saaffiginninnikkut.
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqarnissamut killissarititaasoq: marsip 15.-at, 2026