Kommune Qeqertalik, Aasianni utoqqalinersialerivimmi inunnik isumaginninnermi siunnersortimik/sulianik sullissisartumik pissarsiorpoq. Atorfiup 1. apriili 2026-mi inuttalerneqarnissaa kissaatigineqarpoq.
Suliassat- akisussaaffiillu ilaatigut makkuupput:
- Utoqqalinersianut aamma tapinut qinnuteqaatit suliarineqarnissaat nalilersorneqarnissaallu.
·Utoqqalinersiutinut tunngatillugu saaffiginnissutinik tigusisarneq, suliarinnittarneq siunnersuinerlu.
- Inatsisit atuuttut naapertorlugit aalajangiisarneq.
- Sulianut atatillugu pappiaqqat uppernarsaatit eqqortumik toqqorterneqarnissaannik isumannaarsuineq.
- Utoqqalinersianut suliat pillugit siunnersuineq aammalu suliassanik suliarinninneq, isumaginninnermut inatsisit atuuttut aamma malittarisassat naapertorlugit.
- Suliat akimorlugit ataatsimiititaliamut aamma isumaginninnermut isumassuinermullu ataatsimiititaliamut, ikiorsiissutit pillugit qinnuteqaatinik suliaqarneq.
Piginnaasat:
- Isumaginninnermi siunnersortitut ilinniagaqarneq imaluunniit allamik attuumassuteqartumik ilinniagaqarsimaneq.
- Utoqqarnut siunnersuisarnermik aamma tapersersuinermik misilittagaqarneq, utoqqalinersianut inatsisit atuuttut naapertorlugit, innuttaasunik utoqqarnik siunnersuinermik ikorfartuinermillu siunnersuineq
- Qarasaasiamik kiisalu sulinermi atortunik attuumassuteqartunik atuinermik ilisimasaqarneq.
- Pineqartut misilittagaqarfigaatit, suliatigut piginnaasaqarluartuullutit, namminersorsinnaassuseqarlutit aamma suleqatiginnissinnaalluarlutit.
- Tarnikkut ninngusuunissaq atorfimmik ingerlatsisinnaanissamut piumasaqaataavoq.
Aningaasarsiat atorfeqartitaanermilu atugassarititaasut.
Aningaasarsianut aamma atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttut naapertorlugit atorfinititsineq pissaaq.
Inissaq:
Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Ineqarnermut, tassunga ilanngullugu atuinermut tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.ini@ini.gl
Atorfininnermut atatillugu sulisorisanut inissiamik ataavartumik atugassiisoqarsinnaanngippat sulisunut utaqqiisaasumik inissiamik innersuunneqarsinnaatitaasunut utaqqiisaasumik inissiamik neqerooruteqartoqassaaq, tamatumani ineqarnermut akiliut, atuineq il.il. aamma ajunngitsorsiassat sorlii akileraarutaasarnersut, siuliani allassimasut naapertorlugit akilerneqartassallutik.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Atorfininnermi angalanermut aamma pequtit assartorneqarnerannut malittarisassat atuuttut naapertorlugit akiliussisoqassaaq.
Ini atorfeqarnerni innersuussaq suliunnaaruit qimattussaassavat.
Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Atorfik pillugu ersarinnerusumik paasissutissat ilinniartitaanermut pisortamut Miimi Lynge-Olsvig oqarasuaat (701900) 86 7380, e-mail: milo@qeqertalik.gl atorlugit saaffiginninnikkut pissarsiarineqarsinnaapput.
Qinnuteqaat:
E-mail allakkalluunniit atorlugit qinnuteqaatinik tigusineq ajorpugut.
Qinnuteqaat nassiuguk, CV, ilinniarsimanermut pikkorissarsimanermullu uppernarsaatit, paasissutissallu allat pisariaqartut ilanngullugit, una toorlugu "atorfik qinnutigiuk"
Upload-ernissa ajornartorsiutigigukku attavigiuk hr@qeqertalik.gl
Qinnuteqarnissamut killissarititaasoq: marsip 15.-at, 2026