Kommune Qeqertalik Suliassaqarfik Timi Tarnimi, Qasigiannguit Timersortarfiani Pisortaq, ulluinnarni ingerlanneqarneranut akissussaasussamik inuttassarsiuupparput ulloq 20.marts 2026 imaluunniit isumaqatigiissuteqarnikkut sulilertussamik.
AtorfinittussaqTimersortarfimmiippoq atorfinitsissalluni, qaninnertut qullersarissavaa Timi Tarnimi aqutsisoq.
Qasigiannguit Timersortarfiat 1990-imi atulerpoq, siullermik nammineq pigineqartunut ilaalluni, kingornalu kommunimit ingerlanneqalernikuulluni. Timersortarfiup immikkoortuini ilaapput: inersuaq, cafeteria attartorneqartartoq, timigissartarfik, ukiuuneranilu sisoraatinik attartortitsisarneq aammalu sisorariarfinnik aserfallatsaaliineq. Taakkununnga ilanngullugit silami timigissaatit, silami ivigaasaaqqanik arsaattarfeeraq illoqarfiullu ivigaasaaqqanik arsaattarfia akissussaaffiit ilagilluinnartuuaat.
Timi Tarnimi ukiup kaajallallugu aaqqissuussanut suleqateqartarnerit piviusun-ngortitsinerillu. Timersortarfimmi Pisortaq sulisunilu akunnerminni ilusiliinissartik aaqqissuuttarpaat.
Atorfinittussaq nammineerluni sulisinnaanissaq, tatiginartuuneq, attaveqaqatigiinnermut piginnaaneqarluarneq, kiisalu piffissamut naleqqussinnaasuussuseq tarnimigullu timimigullu patajaatsuunissaq naatsorsuutigineqarpoq.
Timersortarfimmi Pisortatut makku suliarisassavatit/akisussaafigissavatit
·Timersortarfiup ullut tamaasa eqqiarneqarnerata sukumiisumik ingerlanneqartarnissaa
· Timersortarfiup ullut tamaasa ingerlanneqarneranik aqutsineq
· Atuisunik sullissineq aammalu pitsaasumik suleqatigiittoqarnissaa
· Atuisunik aqutsinikkut timersornermilu isumassarsiullaqqinnissaq
·Ukioq kaajallugu innuttaasut atuisullu peqatigalugit aalatitsiniaanerup annertusarnissaanut pilersitseqataaneq
·Piginnaaneqarluarnikkut nutaaliorluartuunissaq aalajangiisuussaaq
·Allaffissornikkut aningaasatigut aqutsinermut siunertaqartunik suliaqarluarsinnaaneq
Atorfinittussamut naatsorsuutigisat
·Piffissamut ataqqinnittoqassaq
·Suliartutit nalunaaquttap-akunneri nikeralaarsinnaassapput aaqqissuussanut atatillugu
·Kommune Qeqertalik aammalu Timi Tarnip iluani kiisalu akimorlugit suleqatigiinnissamut piumassuseqarneq aamma kivitseqataanissamut piareersimaneq pingaaruteqarpoq
Ilinniakkatigut piginnaasat
Timersortarfimmi Pisortanngortoqarnissaanut aalajangersimasumik ilinniagaqarnissaq piumasaqaataanngilaq.
Inunnik isumaginninnermi misilittagaqarneq imaluunniit sullissinermut tunngatillugu misilittagaqarluarneq iluaqutaassaaq.
Eqqissaanermik misilittagaqarnerit imaluunniit eqqiaanermut atatillugu pikkorissarsimanerit iluaqutaasinnaavoq.
Akissarsiaqarneq atorfinitsitaanerlu
Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfimmut atatillugu inissaqartitsisoqanngilaq.
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Paasissutissat sukumiinerusut
Atorfik pillugu paasisaqarnerorusukkuit Timi Tarnimi aqutsisuugallartoq
Arnarulunnguaq Qujaukitsoq attavigisinnaavat oqarasuaat 91 46 18 imaluunniit e-mail arnq@qeqertalik.gl
Qinnuteqarneq
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: marsip 13.-at, 2026