Allangarsiuteqqitaq Kangaatsiaq - Meeqqerivik Qupannaat ernæringsassistentissarsiorpoq

Kommune Qeqertalik, Kangaatsiaq, Meeqqerivik Qupannaat Iggavimmiumik 1. Maj 2025 imaluunniit isumaqatigiissuteqarnikkut atorfinittussamik pissarsiorpoq.

Meeqqeriviup iggaviani pissutsit:

·Iggavimmioq atorfik tamakkiisumik suliffiuvoq sap.ak. nal.ak. 40-t. Meeqqerivik meeqqanut 44-nut inissaqartitsivoq

·Meeqqerivinni ingerlatsineq immikkoortortaqarfiup INUIT ataani inissisimavoq.

Qinnuteqartussamut piumasaqaatit:

·Ernæringsassistentitut ilinniarsimasoq.

·Pilersaarusiamik ingerlatsisinnaanermik misilittangalik taamatullu peqqinnartunik tamatingoortunillu nerisassiorsinnaassusilik.

·Ulapaarfimmi eqqissisimasumik ingerlatsisinnaasoq, eqaatsumik suleriuseqartoq, suleqatikkuminartoq aalajaatsorlu.

·Timikkut tarnikkullu peqqissoq kiisalu ammasoq qiimasorlu.

Qinnuteqartumut: 

·Peqqinnartunik vitamineqarluartunik nerisassiortarneq.

·Sulineq ingerlanneqassaaq ulluunerani neqeroorutini anguniakkat, iliuusissanillu pilersaarusiat aallaavigalugit.

Akissarsiat atorfeqarnermilu atugassat:

Atorfinitsitsinermi akissaasersuineqassaaq isumaqatigiissutit atuuttut malillugit.

Atorfimmut paasissutissat erseqqinnerusut pissarsiarineqarsinnaapput uunnga saaffiginninnikkut: Meeqqerivik Qupannaani immikkoortortani aqutsisoq Thora Petersen oqarasuaat 387132, imaluunniit Illoqarfimmi sullissivinni pisortaq Jørgen Jeremiassen attavigineqarsinnavoq 701900.

Meeqqanik pinerliisimannginnermut aammalu pineqaatissinneqarsimannginnermut uppernarsaat:Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuut-tut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut at-tartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, uta-qqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taa-neqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paa-sisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.

Qinnuteqarnissamut killissarititaasoq: apriilip 10.-at, 2025