Kommune Qeqertalik, Majoriaq Aasiaat allaffissornermi Afdelingsleder-imik pissarsiorpoq, atorfinitsitsineq 1. marts 2026-mi atuutilersussaq.
Majoriaq Aasiaat Afdelingsleder-imik atorfinitsitsisoqassaaq. Afdelingsleder-i Centerleder-imut pisortap tulliatut inissinneqassaaq, Majoriami Centerleder-i peqatigalugu Majoriami ingerlatsineq ullormut akisussaaffigissallugu.
Suliffiup akisussaaffii aamma suliassai:
• Suliffissarsiortunut ikiorsiissutinik suliaqarneq
• Suliassanik nakkutiginninneq, kiisalu ilitsersuineq, siunnersuisarnerlu
• Allakkat tiguneqartut naammassineqarsimanersut misissorlugit
• Majoriaq sinnerlugu suliassaqarfiit akornanni ataatsimiitsitaliani, suliniutini, aqutsisoqatigiinni attuumassuteqartuni peqataaneq
• Majoriami suliassat naliginnaasut pillugit akissussaaqataaneq
• Majoriami sulisunut ineriartortitsineq aqutsinermullu akissussaaqataaneq, tassunga ilanngullugu piginnaasanik ineriartortitsineq
• Ulluinnarni Centerleder-i peqatigalugu aningaasaqarnerup aqunneqarnerani akisussaaqataaneq
• Suliat ingerlaarnerisa ineriartortinneqarnissaat pillugit siunnersuineq aammalu aaqqiissutissanik nassaarnissamut peqataaneq
• Innuttaasut saaffiginnissutaasa eqqortumik suliarineqartarnissaat aamma suliassanik suliarinnittarneq pillugu malinnaasarnissaq qulakkeerneqassaaq
• Kissaatigineqarpoq qinnuteqartoq allaffissornermi ilinniagaqarsimasoq, aammalu innuttaasunut illoqarfimmi aamma nunaqarfinni pingasuni najugaqartunut piginnaanngorsarneqarnissamut ineriartortitsinermik suliaqarnissaa, kiisalu allaffissornikkut suliassanik tigusisinnaasoq
Qinnuteqartoq naatsorsuutigaarput suliassanik agguataarisinnaasoq, inatsisitigut suliassagut assigiinngitsut siammasinneri pissutigalugu. Suliassanik agguataarinikkut qulakkerinninnissaq nakkutiginnissinnaassuseqartutit aammalu sulisut ilitsersorneqarnissaanut akissussaaqataasutit.
Piginnaasat:
• Allaffissornermi ilinniagaqarsimasoq
• Aqutsinermi misilittagalik
• IT-systemini soorlu IT-Reg-imi aamma ERP-imi uppernarsaatit eqqortumik nalunaarsorneqarnissaat qulakkeersinnaavaa
• Inuusuttunik inersimasunillu suliniuteqarnissamut soqutiginnittoq
• Sulilluartoq aammalu imigassamik imaluunniit aanngajaarniutinik ajornartorsiuteqanngitsoq
• Oqaatsinik marlunnik atuisinnaasoq (kalaallisut aamma qallunaatut), tuluttut iluaqutaasinnaavoq, piumasaqaataanngilarli
• Aqutsineq, allaffissornikkut, siunnersuineq assingisaannilluunniit attuumassuteqartumik ilinniagaqarsimaneq. Sulisunik aqutsinermik aammalu suliffeqarnermut tunngasunik misilittagaqarneq iluaqutaassaaq
Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Akissarsiat aamma atorfinitsitsinermi atugassarititat:
Atorfinitsitsineq aammalu akissarsiat isumaqatigiissutit atuuttut naapertorlugit ingerlanneqassapput, Atorfillit Kattuffiat aamma Namminersorlutik Oqartussat akornanni.
Atorfimmut inissiaqanngilaq.
Attavigineq:
Atorfik pillugu apeqqutissaqaruit Centerleder Karla J. Olsen attavigisinnaavat mail-ikkut: kaol@qeqertalik.gl imaluunniit oqarasuaatikkut: 38 70 72.
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: februaarip 22.-at, 2026