Akisussaassuseqarneq, paasiuminartuuneq ammasuunerlu pisortat suliffeqarfiutaanni naleqartitatut aalajangiisuulluinnartartutut illit aamma isigivigit?
Nutaanik pilersitseqataarusussuseqarpit?
Taamaappat uani periarfissaqarputit. Naatsorsuuserisut pisortaat pikkorissoq peratarsinnaasut aningaasaqarnermullu aqutsiveqarfiup, akissarsialeriviup aqutsisullu paasissutissiisarfiata qullersaqarfiani, INUA-ta ataaniittussaq ujartorparput 01. aprilimit imaluunniit isumaqatigiinnikkut.
Aningaasarsialerisut aningaasaqarnermullu aqutsiveqarfiup qullersaqarfiata aningaasaqarnermi pissutsit tamakkerlugit takuneqarsinnaalernissaat missingersuutinik malinnaasarluni kiisalu ataatsimiititalianut, aqutsisooqatigiinnut missingersuusiornermullu akisussaasunut nalunaarusiortarneq atorlugit paasiuminartuunissaat suliassaraa.
Qullersaqarfiup akisussaaffii erseqqissarlugit makkuupput:
·Kommunimi peratarsinnaasut aningaasaqarnermillu aqutsineq aaqqissuutissallugu kiisalu paasissutissat pinngitsoorneqarsinnaanngitsut aallaavigalugit allafffissorneq
·Aningaasarsianik aqutsineq
·Missingersuusiorneq, missingersuutinik naatsorsuutinillu malinnaanerit
·Aningaasaqarnermik aamma periarfissat allattaaviinnik misissueqqissaarnerit kiisalu suliniutissatut siunnersuutit peratarsinnaanernut aningaasaqarnermullu sunniutissaannik misissueqqissaarnerit
Illit naatsorsuuserinermut pisortatut allaffissornermi suleriaatitsitta inerisarneqarneranut pingaaruteqartutut inissisimassaatit, taakkua atuisunit atoruminarsarnissaannik eqaallisarneqarnissaannillu ingerlaavartumik suliaqartarpugut.
Naatsorsuuseriviup ingerlanneqarnera illit qulakkeertassavat, tassani inuit arfineq pingasut ullumikkut sulipput. Akissarsialeriffik aamma tapersersortassavat, taanna arfinilinnik sulisoqarpoq.
Kikkuuvugut?
Aningaasaqarnermut suliaqarfitsinni paaqqinnittarfiit/ suliaqarfiit ataasiakkaat sammisorujussuullugit inissaqartitsisoqarpoq soorlu aamma kommunimi suliassat ataatsimut isigalugit taama inissaqartitsisartugut. Ataatsimoorluni siammasissumik suleqatigilluarneq pingaartipparput, uatsinnut pingaartorsiorpaluttuunngitsumik attaveqaqatigiittarluta, ilorrisimaarneq qiimasuunerlu ulluinnarni pingaaruteqarluinnartunik suliaqarnitsinni pingaartippagut.
Naatsorsuuserinermut pisortaq misilittagalik ujartorparput, sapiissusilik, aaqqissuussaasumik peqqissaartumillu suleriaasilik.
Suliassat:
Naatsorsuuseriviup naatsorsuutaasa pitsaassussaat pitsanngorsarneqartuartut aqutsisunut paasissutissiissutigineqartarneri ineriartortissallugit qulakkeerinnittassaatit. Naatsorsuuserinermi aaqqissuussamut nalunaarsukkat pitsaassuunissaannik aamma piumasaqaateqarpoq. Naatsorsuuserivimmi aaqqissuussamit paasissutissat tunngavigalugit suliniutit nutaat piviusunngortinniarneqartarneri qulakkeerneqartassapput, taamaalilluni Kommune Qeqertalik-mmi tamarmi ineriartortitsineq aalajangiussimaneqassaaq. Tamanna kommunip illoqarfiini nunaqarfiinilu tamanut atuutissaaq. Naatsorsuuserivimmi pisortatut naatsorsuutit qaammammoortut suliarisassavatit aamma ukiup naanerata kinguninngua ukiumoortumik nalunaarusiaq tamarmiusoq piareersimatissallugu qulakkeerinnittartussaassaatit. Akisussaaffimmi qitiutinneqassapput naatsorsuutit eqqortunut naqiterneqarnissaat, tassunga ilanngullugu qarasaasiatigut ineriartortitsinermik akisussaaffeqarneq.
Illit suliassatit soorlu makkuussinnaapput:
·Paasissutissat pitsaassuujuarnissaat qulakkeerniarlugu suleriaatsinik sakkussanillu suliaqarneq.
·Missingersuusiornermi aamma missingersuutinik malinnaanermi ikiuunneq
·Aningaasaqarnerup pitsaanerusumik aqunneqarneranik ukkissineq kiisalu suliaqarfinni aalajangersimasuni allaffissornermi ileqqunik suleriaatsinillu eqaallisaaqataaneq.
·Suliaqarfiit assigiinngitsut attaveqaqatigiinnerinut ilaaneq
·Paaqqinnittarfiit naatsorsuutaasa nalunaarusiorneqarnerini aamma ukiumoortumut nalunaarusiornerini ikiuunneq
·Pisortat aningaasaqarneq pillugu aqqutissiuunneqarnerinik siunnersorneqarnerinillu ataqatigiissaarinninneq
·Pilersaarusiornermi peqataaneq – INUA-ta qullersaannit piumaffigineqarneq malillugu suligasuartitani peqataaneq
Ukua pigissagitit aamma piginnaasaqarfigissatigit naatsorsuutigaarput:
·Naatsorsuuserinermut attuumassutilimmik ilinniagaqartutit
·Qajannaatsoq, soqutiginnittoq, nammineersinnaasoq
·Suut tamarmik imminnut ataqatigiinnerinik takunnissinaanini annaanngikkaluarlugu immikkuualuttunut tappittoq
·Qiimasoq
·Kalaallisut danskisullu oqalussinnaasoq allallaqqissorlu
·Suut tamat imminnut ataqatigiinnerinik eqqarsarsinnaasoq, nutaaliornermik eqqarsariaasilik aamma suliaqarfinni aaqqiissutaasinnaasunik ineriartuutaasunik takunnissinnaasoq
·Aaqqissuulluakkamik suleriaasilik
·Suleqateqarsinnaasoq – ilinniagaq aallaavigalugu suliaqarfiit assigiinngitsut killingisa iluanni aamma suleqataasinnaasoq
·Illit naatsorsuuserivimmi pisortatut sutigut allannguisinnaanerit takusinnaassavat
·Naalaakkersuinermik suliallit aqutaannik suliffeqarfimmi sulineq eqaaffigissavat
·Aaqqiissutit atasinnaasut ineriartortissinnaassavatit
·Attaveqaqatigeeriaatsit pitsaasuussaaq, sulianik tamanik takunnissinnaassaatit misissueqqissaarnermullu nukittuffeqassallutit
·Ataatsimoortuni peqataalluarsinnaassaatit, suliassat unammillernartullu suleqatit allat paarlaasseqatigisarlugit aaqqiiffigineqartassapput
Uagut ukungannga neqeroorfigaatsigit:
Suliffik tamatigoortoq ineriartuutaasorlu, tassani illit iliuuseqartarlutit suleqataassaatit. Suliat pilersaarusiorneqarneri ullormilu suliffiusumi akaareqatigiittumik eqaassuseqarneq pingaartittorujussuuarput. Attaveqaqatigeeriaaseq pingaartorsiorpaluttuunngilaq aamma suliartortarnerup nuannersuusarnissaa ilorrisimaarnartuunissaalu anguniartarparput, naak ulapaaraluarluta. Sunniuteqartorujussuunissaq inuttullu ineriartornissaq periarfissaqartippagut.
Kommunip iluani illoqarfinnut nunaqarfinnullu assigiinngitsunut pissangartumik angalasarnerit.
Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Akissarsiat aamma atorfeqarnermi atugassarititaasut:
Kalaallit Nunaanni Namminersorlutik Oqartussat kattuffiullu isumaqatigiinninniarsinnaatitaasup allap akornanni isumaqatigiissutaat naapertorlugu akissaateqartitsillunilu atorfeqarnermi atugassaqartitsisoqassaaq.
Atorfininnermi qaammatit pingasut misiliiffittut atorneqassapput.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Atorfik pillugu annertunerusumik paasiniaasoqarsinnaavoq, uunga saaffiginninnikkut immikkoortortami aqutsisuugallartoq Ole Albinus, email olal@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: februaarip 16.-at, 2026