Kommune Qeqertalik, Sullissivik Kangaatsiami innuttaasunik sullissinerup pitsanngorsarneqarneranut sullisseqataarusuppit? Taava ilinniartutut atorfik una ilinnut tulluuppoq.
Suliassaqarfiit assigiinngitsut suleqatigissavatit, Sullissivik Kangaatsiami immikkoortortami aqutsisoq qaninnertut qullersarissallugu.
Kommune Qeqertalik, Sullissivik Kangaatsiami suliassaqarfia allaffimmiutut ilinniartussarsiorpoq 01. august 2026 aallartittussamik.
Makku neqeroorutigisinnaavagut:
·Periarfissaqalissaatit ilinniarnernut tulluarsakkamik immikkoortortat assigiinngitsut suliffigissallugit
·Ilinniakkavit piviusunngortinnissaanut misiliissaatit
·Allaaserisassavit allannissaannut avatangiiserissaassaatit
·Suleqatit pitsaasut immersortigissavatit
Piginnaasat:
·Suleqatigiuminartoq
·Aalajaatsoq
·Ulapaarfimmi imminut aqussinnaasoq
·Sullitanit suleqatinillu saaffigiuminartoq
Akissaatit atorfininnermilu atugassarititaasut:
Atorfininnermi atugassarititaasut Naalakkersuisut kattuffiullu isumaqatiginninniaasinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Ilinniartutut atorfik pillugu paasissutissat allat Sullissivik Kangaatsiami fg. Afdelingsleder Ortooraq Petersen-imut oqarasuaat 70 19 00 imaluunniit e-mail orpe@qeqertalik.gl atorlugu saaffiginninnikkut piniarneqarsinnaapput.
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: juulip 23.-at, 2026