Sanaartornermut Illuutinullu fagchefi
Kommune Qeqertalimmi qitiusumik fagchef-itut atorfik |
Kommune Qeqertalimmi sanaartornermut illuutinullu siuttoorusuppit?
Sanaartornermut Illuutinullu fagchefitut qitiusumik atorfimmut atorfinittussarsiorpugut, Teknikkeqarnermut Avatangiisinullu Inoqarfimmi ingerlatsivimmi pisortaq qaninnertut pisortaralugu. Atorfik kommunip illoqarfiinut sisamanut nunaqarfiinullu arfineq pingasunut atuuppoq. Kommunip illuliornernut, sanaartornernut iluarsartuussinernullu tunngasunik suliassai kiisalu illuutit teknikkikkullu atortulersuutit minnerit ingerlanneqarnerat aserfallatsaalineqarnerallu akisussaaffigissavatit. Suliatigut pitsaassutsip, aningaasaqarnikkut aqutsinerup aammalu suliniutini kommunip innuttaasunut sulisunullu annertuumik pingaaruteqartuni siuariartornerup qulakkeerneqarnissaa isumagissavat.
Fagchef-itut atuuffik
Ingerlatsivimmi pisortaq qaninnertut pisortaralugu aammalu politikkikkut ingerlatsiviusumi qanimut suleqateqarneq. | Aqutsisutut akisussaaffik
Sulisunik aqutsineq aammalu illuliornermut sanaartornermullu suliassat suliatigut ataqatigiissaarneqarnerat. |
Suliassaqarfik
Illuliornermut sanaartornermullu suliniutit, kommunip illuutai, ingerlatsineq aamma aserfallatsaaliuineq. | Sumiiffik
Kommunip illoqarfiini sisamani nunaqarfiinilu arfineq pingasuni tamani akisussaaffik. |
Makkununnga akisussaaffeqalissaatit
·sanaartornermut illuutinullu suliassaqarfiup aqunneqarnera ineriartortinneqarneralu, pilersaarusiorneq, pingaarnersiuineq, aningaasaqarneq suliatigullu pitsaassuseq akisussaaffigalugu
·illuutaanut, aqquserninut, umiarsualivinnut teknikkikkullu atortulersuutaanut illuliornermut, sanaartornermut iluarsartuussinermullu suliniutit
·kommunip illuutaasa sanaartugaatalu ingerlanneqarnerat, aserfallatsaalineqarnerat iluarsartuussinerillu mikinerusut
·suliniutinut tunngavissanik, piffissatut pilersaarutinik, missingersuutinik, suliariumannittussarsiuussinernik, isumaqatigiissutinik kiisalu siunnersuisartunik entreprenørinillu suleqateqarnermik suliaqarneq malitseqartitsinerlu
·suliap saqqummiunneqarnerinik, saqqummiussassanik, missingersuutinut ilanngussassanik aaqqissuussamillu malitseqartitsinermik pitsaassusilinnik politikkikkut sullissineq
Takorloorparput
·illuliornermut, sanaartornermut, teknikkimut, illuutinik ingerlatsinermut imaluunniit suliassaqarfimmut assingusumut tunngatillugu naleqquttumik suliatigut aqutsinikkullu misilittagaqartutit
·illuliornermut sanaartornermullu suliniutinik, aningaasaqarnermik aqutsinermik, suliariumannittussarsiuussinermik aammalu entreprenørinik siunnersuisartunillu suleqateqarnermik misilittagaqartutit
·suliniutini amerlasuunik susassaqartulinni, suliassat imminnut ataqatigiinnerinik amerlasuunik imaqartuni, ataatsimut isiginnilersitsisinnaasutit siuariartortitsisinnaasutillu
·aningaasaqarnikkut paasinnissinnaasutit, aserfallatsaaliuinissamik pisariaqartitat, sanaartornissamik kissaateqarnerit aammalu isumalluutit atorneqarsinnaasut akornanni pingaarnersiuisinnaasutit
·aaqqissuussamik suleriaaseqartutit aammalu illoqarfiit nunaqarfiillu akimorlugit ataatsimut isiginninneq najukkamilu piviusoq eqqumaffigisinnaagitit
·kalaallisut danskisullu attaveqarsinnaaguit iluaqutaassaaq, tuluttullu attaveqarsinnaaguit aamma iluaqutaassaaq
Pingaartipparput
·torersumik suleriaaseqarneq, ersarissuseq aammalu politikkikkut allaffissornikkullu suliassat akisussaaffiillu agguataagaanerat ilisimaarilluarlugu sulisinnaaneq
·suliatigut pitsaassuseq, piffissaq eqqorlugu malitseqartitsineq aammalu aningaasaqarnermik akisussaassuseqartumik aqutsineq
·kalaallit naleqartitaannik, soorlu neriorsuutinik eqqortitsisarneq, ikiuukkumatuujuneq, nukittussuseq aammalu ataatsimoorneq, ataqqinninneq
·kommunip ulluinnarni ingerlanneqarnerani ineriartorneranilu ersarissumik peqataarusunneq
Suliffimmi inuuneq misigisassarpassualik
Kalaallit Nunaanni pinngortitaq ulluinnarsiutaavoq. Ullormut sulineq naagaangat sunngiffimmi qimusserneq, imaani angalaarneq, qamuteralanneq, aalisarneq, pisuttuarneq, arsarnerit seqinerlu kaaviinnartoq sukisaarsaatigineqarsinnaapput.
Paasissutissat
Atorfik Teknikkeqarnermut Avatangiisinullu Inoqarfik-mi ingerlatsivimmi pisortaq qaninnertut pisortaralugu inissisimavoq.
Suliffissaq Aasianniippoq, akisussaaffilli kommunimut tamarmut atuuppoq. Pisariaqartitsineq malillugu kommunimi angalasarnissaq naatsorsuutigineqassaaq. Namminersorlutik Oqartussat kommunillu akornanni pisortanut isumaqatigiissut malillugu fagchef 3-tut akissarsianut inissinneqassaaq. |
Kommunip illuutaani sanaartugaanilu siuariartortitsinermi, pitsaassutsimik torersunillu sinaakkutissanik pilersitsinermi peqataarusuppit?
Taava matumani pineqarpoq fagchefitut atorfik akisussaaffittalik, silarsuarmut ammasumik isiginniffiusoq aammalu misigisaqarfiusoq.
Pineqaatissinneqarsimannginnermik uppernarsaat:
Atorfik una pineqaatissinneqarsimannginnermut uppernarsaatip pissarsiarineqartussaatitaanera pillugu inatsimmut ilaavoq. Inatsit naapertorlugu atorfininneq aatsaat aallartissinnaavoq, kommunip pineqaatissinneqarsimannginnermut uppernarsaat tigoreerpagu. Taamaattumik maluginiaqqussavarput sulilerfissaq aatsaat isumaqatigiissutigineqarsinnaammat, kommunip pineqaatissinneqarsimannginnermut uppernarsaat Politiinit tigoreerpagu.
Ineqarneq:
Atorfimmut atatillugu sulisunut inissiamik innersuussisoqarsinnaavoq, tassunga qularnaveeqqusiissut, ineqarnermut akiliut, atuineq il.il. akilerneqartassallutik malittarisassat Kalaallit Nunaanni Namminersorlutik Oqartussani kommunillu illuutaani il.il. ineqarnermut akiliuteqartarnermut sukkulluunniit atuuttut naapertorlugit. Ineqarnermut akiliut, tassunga ilanngullugit atuineq assigisaalu pillugit paasissutissat annertunerusut uani innersuussutigineqarput: www.ini@ini.gl
Ataavartumik sulisunut inissiaq atorfininnermi ingerlaannartumik atugassanngortinneqarsinnaanngippat, sulisut vakantimik inigigallagaqarnissamut pisinnaatitaasut utaqqiisaasumik inigigallagassamik neqeroorfigineqassapput. Tamatumunnga atatillugu inatsisit atuuttut naapertorlugit akeqanngitsumik iluaqutissarsiat pillugit A-skat akilerneqartassaaq.
Sulisunut inissiaq atorfeqarnerup naanerani qimanneqassaaq.
Qinnuteqaat:
Qinnuteqaatit e-mailikkut imaluunniit allakkatigut tiguneq ajorpagut.
Qinnuteqaat, CV aamma bilagit attuumassuteqartut “Atorfik una qinnuteqarfigiuk” toorlugu nassiunneqassapput. Apeqqutit Kommunaldirektør Alida C. Rafaelsen-imut saaffiginnissutigineqarsinnaapput, +299 387002, alra@qeqertalik.gl.
Qinnuteqarnissamut killiliussaq tassaavoq 25. juli 2026, atorfininnissaq 01. september 2026 imaluunniit isumaqatigiissuteqarnikkut.
Qinnuteqarnissamut killissarititaasoq: juulip 25.-at, 2026