Ingerlatsivimmi Majoriaq INUIT-mi pisortaq/fagchef Kommune Qeqertalimmi: |
Kommune Qeqertalimmi suliffeqarnermut tunngasunik suliassaqarfiup ineriartortinneqarnissaanut peqataarusuppit?
Majoriaqarfimmut fagchefitut qitiusumik atorfimmut atorfinittussarsiorpugut, Inuit-ini ingerlatsivimmi pisortaq qaninnertut pisortaralugu. Atorfik Aasianni inissisimavoq kommunillu illoqarfiit sisamat nunaqarfiilu arfineq pingasut ingerlataralugit. Fagchefip suliassaqarfiup suliatigut, aningaasaqarnikkut sulisunillu aqutsinikkut aqunneqarnera ataatsimut akisussaaffigissavaa, politikkikkullu aalajangiinerit innuttaasunut najukkamilu inuiaqatigiinnut angusanut tigussaasunut piviusunngortinneqarnissaat qulakkiissallugu, ingerlatsivimmi pisortaq qanimut suleqatigalugu.
Fagchefi politikkikkut aqutsisut, direktionip allaffissornikkullu aaqqissuussaanerup akornanni attaveqaataassaaq. INUIT suliassaqarfiani ingerlatsineq, ineriartortitsineq, oqartussatut suliassat, aningaasaqarneq politikkikkullu sullissineq ataatsimut akisussaaffigissavai, ingerlatsivimmi pisortaq qanimut suleqatigalugu suliassaqarfiup aaqqissuuteqqinneqarnerani ersarissumik aqutsineq suliatigullu pitsaassuseq qaffasissoq tunngavigalugit siuttuusassalluni. Fagchefip pingaarnertut MAJORIAQ, pisortanit ikiorsiissutit aammalu suliffeqarnermut atatillugu ikiorsiissutit akisussaaffigissava
Qitiusumik pisortatut atorfik Ingerlatsivimmi pisortaq pisortaralugu, politikerillu qanimut suleqatigalugit. | Aqutsinermi akisussaaffik MAJORIAP iluani immikkoortortaqarfimmi aqutsisunik illoqarfinnilu tamani aqutsisunik inuttalimmik aqutsisoqatigiinnut fagchefi. |
Suliassaqarfiit Fagchefip pingaarnertut MAJORIAQ, innuttaasunut ilinniartitaanermut suliffeqarnermullu tunngatillugu paasinarsisitsinissamik pisariaqartitsisunut kajumissaataasumik suliniutit, pisortanit ikiorsiissutit aammalu suliffeqarnermut atatillugu ikiorsiissutit akisussaaffigissavai. Pisortanit ikiorsiissutit suliffissarsiornermilu ikiorsiissutit | Sumiiffik Kommunip illoqarfiini sisamani nunaqarfiinilu arfineq pingasuni tamani akisussaaffik. |
Makkununnga akisussaaffeqalissaatit
- Pisortanit ikiorsiissutit pillugit akisussaaffik, suliffissaqartitsineq, ilinniagaqarnissamut sulilernissamullu aqqutissiuineq, kiisalu piginnaanngorsaaneq
Aqutsineq
- Suliassaqarfiup pitsaasumik ingerlanneqarneranik ineriartortinneqarneranillu qulakkeerinninneq
- Suliassaqarfiup iluani suliffeqarfinnik aqutsisut, immikkoortortaqarfimmi aqutsisut sulisullu suliatigut aqutsivigineqarnerat
- Suliffimmi atugarissaarneq, suleqatigiinneq angusallu pilersinneqarnissaat
- Suliassaqarfiit akimorlugit suleqatigiinnerup tapersersorneqarnera
Aningaasaqarneq
- Missingersuusiornermut missingersuutinillu malitseqartitsinermut akisussaaffeqarneq
- Aningaasaqarnikkut akisussaassuseqartumik ingerlatsinerup qulakkeerneqarnissaa
- Isumalluutit politikkikkut anguniakkat naapertorlugit pingaarnersiorneqarnissaat
Periusissiaq ineriartortitsinerlu
- Kommunip aaqqissuussaanerullu periusissiaasa ineriartortinneqarnerannut peqataaneq
- Politikkikkut aalajangiinerit atuutsinneqalernerannik isumaginninneq
- Suliassaqarfiup iluani pitsaassutsip sullissinerullu ineriartortinneqarnerat
Allaffissorneq inatsisinillu tunngaveqarneq
- Inatsisartut inatsisaasa, nalunaarutit malittarisassallu atuuttut malinneqarnissaasa qulakkeerneqarnissaat
- Ataatsimiititalianut kommunalbestyrelsimullu suliap saqqummiunneqarnerinik suliaqarneq
- Suliassanik eqqortumik suliarinninnerup qulakkeerneqarnissaa
Suleqatigiinneq
- Naalakkersuisoqarfinnik, suliffeqarfinnik avataaniittunillu susassaqartunik suleqateqarneq
- Pisortat ataatsimoorfianni suliniutinilu akimortumik ingerlanneqartuni peqataaneq
- Aaqqissuussaanermik avammut sinniisuuneq
Sulianut tunngasutigut piginnaasat
- Suliassaqarfiup iluani naleqquttumik ilinniagaqarsimanissaq, ajornanngippallu naleqquttumik ilinniaqqinnermik ilalerlugu
- Aqutsinermik misilittagaqartutit.
- Pisortani ingerlatsinermik misilittagalik pitsaaqutaassaaq.
- Kalaallit inuiaqatigiinni pissusiinik ilisimasaqarneq
Inuttut piginnaasat
- Periusissiornermik ataatsimullu isiginnilluni sulisinnaasoq
- Pisortaq ersarissoq.
- Suleqatikkuminartoq
- Aalajangiisinnaassuseqarneq
- Attaveqaqatigiillaqqissoq
- Kulturit akimorlugit paasinnissinnaasoq
Attaveqarfigisassanut oqartussaasunut pissutsit
Fagchefip qaninnertut pisortaraa:
- INUIT-ni Ingerlatsivimmi pisortaq
Fagchefip suliatigut akisussaaffigai:
- Immikkoortortani aqutsisut
- Sulisut suliatigut immikkut ilisimasallit
Pineqaatissinneqarsimannginnermik uppernarsaat:
Atorfik una pineqaatissinneqarsimannginnermut uppernarsaatip pissarsiarineqartussaatitaanera pillugu inatsimmut ilaavoq. Inatsit naapertorlugu atorfininneq aatsaat aallartissinnaavoq, kommunip pineqaatissinneqarsimannginnermut uppernarsaat tigoreerpagu. Taamaattumik maluginiaqqussavarput sulilerfissaq aatsaat isumaqatigiissutigineqarsinnaammat, kommunip pineqaatissinneqarsimannginnermut uppernarsaat Politiinit tigoreerpagu.
Ineqarneq:
Atorfimmut atatillugu sulisunut inissiamik innersuussisoqarsinnaavoq, tassunga qularnaveeqqusiissut, ineqarnermut akiliut, atuineq il.il. akilerneqartassallutik malittarisassat Kalaallit Nunaanni Namminersorlutik Oqartussani kommunillu illuutaani il.il. ineqarnermut akiliuteqartarnermut sukkulluunniit atuuttut naapertorlugit. Ineqarnermut, tassunga ilanngullugu atuinermut tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.ini@ini.gl
Atorfininnermut atatillugu sulisorisanut inissiamik ataavartumik atugassiisoqarsinnaanngippat sulisunut utaqqiisaasumik inissiamik innersuunneqarsinnaatitaasunut utaqqiisaasumik inissiamik neqerooruteqartoqassaaq, tamatumani ineqarnermut akiliut, atuineq il.il. aamma ajunngitsorsiassat sorliit akileraarutaasarnersut, siuliani allassimasut naapertorlugit akilerneqartassallutik.
Sulisunut inissiaq atorfeqarnerup naanerani qimanneqassaaq.
Qinnuteqaat:
E-mail allakkalluunniit atorlugit qinnuteqaatinik tigusineq ajorpugut.
Qinnuteqaat, CV, ilinniarsimanermut pikkorissarsimanermullu uppernarsaatit kiisalu paasissutissat attuumassuteqartut allat nassiunneqassapput “Atorfik una qinnuteqarfigiuk” toorlugu. Atorfik pillugu apeqqutissaqaruit kommunaldirektør Alida C. Rafaelsen oqarasuaatikkut 387002 imaluunniit e-mailikkut alra@qeqertalik.gl attavigisinnaavat.
Qinnuteqarnissamut killiliussaq tassaavoq 25. juli 2026, atorfininnissaq 01. september 2026 imaluunniit isumaqatigiissuteqarnikkut.
Qinnuteqaatip ersarissumik takutittariaqarpaa sorleq suliassaqarfik (fagområde) qinnuteqarfigineqarnersoq
Upload-ernissa ajornartorsiutigigukku attavigiuk hr@qeqertalik.gl
Qinnuteqaativit tigunissaa qilanaaraarput.
Qinnuteqarnissamut killissarititaasoq: juulip 25.-at, 2026