Kommune Qeqertalimmi INUIT suliassaqarfianut, isumaginninnermut, ilaqutareeqarnermut, utoqqarnut innarluutilinnut aamma utoqqalinersiutilinnut fagchefi |
Kommune Qeqertalimmi isumaginninnermut suliassaqarfiup ineriartortinneqarnerani peqataarusuppit?
INUIT suliassaqarfianut, isumaginninnermut, ilaqutareeqarnermut, utoqqarnut, innarluutilinnut aamma utoqqalinersiutilinnut fagchefitut atorfinittussarsiorpugut, ingerlatsivimmi pisortaq qaninnertut pisortaralugu. Atorfik Aasianniippoq, kommunillu illoqarfiinut sisamanut nunaqarfiinullu arfineq pingasunut atuuppoq. Fagchefi suliassaqarfiup suliatigut, aningaasaqarnikkut sulisunillu aqutsinikkut aqunneqarneranut ataatsimut akisussaaffeqarpoq, ingerlatsivimmi pisortaq qanimut suleqatigalugu politikkikkut aalajangiinerit innuttaasunut najukkamilu inuiaqatigiinnut angusanut tigussaasunut piviusunngortinneqarnissaat qulakkiissallugu.
Fagchefi politikkikkut aqutsisut, direktionip allaffissornikkullu aaqqissuussaanerup akornanni attaveqaataassaaq. INUIT suliassaqarfiani ingerlatsineq, ineriartortitsineq, oqartussatut suliassat, aningaasaqarneq politikkikkullu sullissineq ataatsimut akisussaaffigissavatit, ingerlatsivimmi pisortaq qanimut suleqatigalugu suliassaqarfiup aaqqissuuteqqinneqarnerani ersarissumik aqutsineq suliatigullu pitsaassuseq qaffasissoq tunngavigalugit siuttuusassallutit. Fagchefi pingaarnertut INUIT / atugarissaarnermut suliassaqarfik, ilaqutariinnut qitiusumik sullissiviit utoqqaallu suliassaqarfianni suliffeqarfiit akisussaaffigissavai.
Qitiusumik pisortatut atorfik Ingerlatsivimmi pisortaq qaninnertut pisortaralugu aammalu politikkikkut ingerlatsiviusumi qanimut suleqateqarneq. | Aqutsinermi akisussaaffik Isumaginninnermut suliassaqarfiup iluani oqartussatut suliassaqarfimmi, Ilaqutariinnut qitiusumik sullissivimmi utoqqaallu suliassaqarfianni immikkoortortaqarfinni aqutsisunik illoqarfinnilu aqutsisunik inuttalimmik aqutsisoqatigiinnut fagchefi. |
Suliassaqarfiit Fagchefip pingaarnertut utoqqaat innarluutillillu, meeqqat inuusuttullu, avataani immikkoortut ilaqutariinnullu qitiusumik sullissiviit akisussaaffigissavai. | Sumiiffik Kommunip illoqarfiini sisamani nunaqarfiinilu arfineq pingasuni tamani akisussaaffik. |
Makkununnga akisussaaffeqalissaatit
Aqutsineq
- Suliassaqarfiup pitsaasumik ingerlanneqarneranik ineriartortinneqarneranillu qulakkeerinninneq
- Suliassaqarfiup iluani suliffeqarfinnik aqutsisut, immikkoortortaqarfinni aqutsisut sulisullu suliatigut aqutsivigineqarnerat
- Suliffimmi atugarissaarnerup, suleqatigiinnerup angusallu pilersinneqarnissaat
- Suliassaqarfiit akimorlugit suleqatigiinnerup tapersersorneqarnera
Aningaasaqarneq
- Missingersuusiornermut missingersuutinillu malitseqartitsinermut akisussaaffeqarneq
- Aningaasaqarnikkut akisussaassuseqartumik ingerlatsinerup qulakkeerneqarnissaa
- Isumalluutit politikkikkut anguniakkat naapertorlugit pingaarnersiorneqarnissaat
Periaasissat ineriartortitsinerlu
- Kommunip aaqqissuussaanerullu periusissiaasa ineriartortinneqarnerannut peqataaneq
- Politikkikkut aalajangiinerit piviusunngortinneqarnissaannik isumaginninneq
- Suliassaqarfiup iluani pitsaassutsip sullissinerullu ineriartortinneqarnerat
Allaffissorneq inatsisinillu tunngaveqarneq
- Inatsisartut inatsisaasa, nalunaarutit malittarisassallu atuuttut malinneqarnissaasa qulakkeerneqarnissaat
- Ataatsimiititalianut kommunalbestyrelsimullu suliap saqqummiunneqarnerinik suliaqarneq
- Suliassanik eqqortumik suliarinninnerup qulakkeerneqarnissaa
Suleqatigiinneq
- Naalakkersuisoqarfinnik, suliffeqarfinnik avataaniittunillu susassaqartunik suleqateqarneq
- Pisortat ataatsimoorfianni suliniutinilu akimortumik ingerlanneqartuni peqataaneq
- Aaqqissuussaanermik avammut sinniisuuneq
Sulianut tunngasutigut piginnaasat
- Isumaginninnermi siunnersorti, naleqquttumik qaffasinnerusumik ilinniagaqarsimasoq
- Aqutsinermik misilittagaqarneq
- Pisortani ingerlatsinermik misilittagalik pitsaaqutaassaaq.
- Kalaallit Nunaanni inuiaqatigiinni pissutsinik ilisimasaqartutit
Inuttut piginnaasat
- Periusissiornermik suleriaaseqartoq ataatsimullu isiginnilluni sulisinnaasoq
- Pisortaq ersarissoq
- Suleqatikkuminartoq
- Aalajangiisinnaassuseqarneq
- Attaveqaqatigiillaqqissoq
- Kulturit akimorlugit paasinnissinnaasoq
Attaveqarfigisassanut oqartussaasunut pissutsit
Fagchefip qaninnertut pisortaraa:
- INUIT-ni Ingerlatsivimmi pisortaq
Fagchefip suliatigut akisussaaffigai:
- Immikkoortortani aqutsisut
- Sulisut suliatigut immikkut ilisimasallit
Pineqaatissinneqarsimannginnermik uppernarsaat:
Atorfik una pineqaatissinneqarsimannginnermut uppernarsaatip pissarsiarineqartussaatitaanera pillugu inatsimmut ilaavoq. Inatsit naapertorlugu atorfininneq aatsaat aallartissinnaavoq, kommunip pineqaatissinneqarsimannginnermut uppernarsaat tigoreerpagu. Taamaattumik maluginiaqqussavarput sulilerfissaq aatsaat isumaqatigiissutigineqarsinnaammat, kommunip pineqaatissinneqarsimannginnermut uppernarsaat Politiinit tigoreerpagu.
Ineqarneq:
Atorfimmut atatillugu sulisunut inissiamik innersuussisoqarsinnaavoq, tassunga qularnaveeqqusiissut, ineqarnermut akiliut, atuineq il.il. akilerneqartassallutik malittarisassat Kalaallit Nunaanni Namminersorlutik Oqartussani kommunillu illuutaani il.il. ineqarnermut akiliuteqartarnermut sukkulluunniit atuuttut naapertorlugit. Ineqarnermut, tassunga ilanngullugu atuinermut tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.ini@ini.gl
Atorfininnermut atatillugu sulisorisanut inissiamik ataavartumik atugassiisoqarsinnaanngippat sulisunut utaqqiisaasumik inissiamik innersuunneqarsinnaatitaasunut utaqqiisaasumik inissiamik neqerooruteqartoqassaaq, tamatumani ineqarnermut akiliut, atuineq il.il. aamma ajunngitsorsiassat sorliit akileraarutaasarnersut, siuliani allassimasut naapertorlugit akilerneqartassallutik.
Sulisunut inissiaq atorfeqarnerup naanerani qimanneqassaaq.
Qinnuteqaat:
E-mail allakkalluunniit atorlugit qinnuteqaatinik tigusineq ajorpugut.
Qinnuteqaat, CV, ilinniarsimanermut pikkorissarsimanermullu uppernarsaatit kiisalu paasissutissat attuumassuteqartut allat nassiunneqassapput “Atorfik una qinnuteqarfigiuk” toorlugu. Atorfik pillugu apeqqutissaqaruit kommunaldirektør Alida C. Rafaelsen oqarasuaatikkut 387002 imaluunniit e-mailikkut alra@qeqertalik.gl attavigisinnaavat.
Qinnuteqarnissamut killiliussaq tassaavoq 25. juli 2026, atorfininnissaq 01. september 2026 imaluunniit isumaqatigiissuteqarnikkut.
Qinnuteqaammi erseqqissarneqassaaq suliassaqarfik sorleq qinnuteqarfigineqarnersoq.
Upload-ernissa ajornartorsiutigigukku attavigiuk hr@qeqertalik.gl
Qinnuteqaativit tigunissaa qilanaaraarput.
Qinnuteqarnissamut killissarititaasoq: juulip 25.-at, 2026