Majoriaq Aasiaat Piukkunnarsarfimmi iggavimmi iganermut atuartitsinermik piginnaasalimmik atuartitsisartussamik 1. August 2025 imaluunniit isumaqatigiissuteqarnikkut atorfinittussamik pissarsiorpoq.
Majoraq Aasiaat ataani immikkoortortaq Piukkunnarsarfik 4. August 2025, inuusuttunik 15-iniit 29-vat tikillugit ukiulinnut ilinniartitaanikkut suliffeqarnikkullu ineriartortitsinermik siunertaqartumik Pilersitsiffiusoq, 40-t tungaannut atuartuuteqartoq inuusuttuaqqanik inuusuttunillu, Aasiamiunuinnaq ingerlataqartunik. Tassani atuartinneqartunut Iggavimmi igasutut atuartitsisartussamik pissarsiorpugut 4.August 2025 isumaqatigiissuteqarnikkulluunniit atorfinittussamik.
Sammisaqartitsilluni atuartitsisutut ingerlanneqassaaq sulisut allat peqatigalugit ineriartortinneqassallunilu.
·Fagini ukunani atuartitsisuusinnaassaatit:
- Iganeq
- Nerisassiorneq
- Eqqiaaneq
Atuartitsineq aamma atuartitsinerup ingerlanneqarnera aqutsisoq atuarfiullu ilinniartitsisui allat qanimut suleqatigalugit ingerlanneqartassaaq, tamatumunngalu piumasaqaataavoq, uku piginnaaneqarfigissagitit:
- Asimi angalaneq atuartunillu angallassineq
- Suleqateqarsinnaaneq, qiimasuuneq
- Nutaaliorsinnaaneq isumassarsiullaqqinnerlu,
- Periarfissarsiorsinnaasoq
- Tuniniaanermik piginnaaneqartutit
- Inunnut immikkut pisariaqartitsisunut paasinnilluarsinnaaneq aqqutissiuussisinnaasorlu
Naatsorsuutigaarput:
- Ernærinngsassistentitut assingusumilluunniit ilinniagaqartutit
- Ilinniartitsinermik misilittagaqartutit
- Oqaatsitigut piginnaaneqarluassasutit, oqaluttariarsornikkut allattariarsornikkullu.
- Atorfimmik assigusumik misilittagaqarsimassaatit. Tamannali piumasaqaataanngilaq.
- Piumassuseqartuussaatit atuarfimmilu ineriartortitseqataasusussuseqassallutit.
- Qarasaasiamik naliginnaasumik atuisinnaassaatit.
- Imigassamik aanngajaarniutinillu ajornartorsiuteqanngitsutit.
- Suliassanut sunulluunniit nammineersinnaassuseqassasutit
- Nerisassiornermut tunngasumik naatsorsuusiorsinnaasasutit
- Aaliangersimasumik periuseqarluni sinaakkutalimmik killiliisinnaanermik piginnaaneqartutit.
- Atuartitseriutsinut pikkorissariarnissamut angalanerit ingerlanneqartarnissai
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Neqeroorutigaagut:
- Atorfininneq akissarsiallu Atorfillit Kattuffiata Namminersornerullutillu Oqartussat isumaqatigiissutaat atuuttut naapertorlugit ingerlanneqassaq.
·Ineriartornissamut pikkorissarnissamut ingerlaqqiffiusinnaasut
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Attavigineqarsinnaasoq:
Atorfimmut tunngatillugu apeqqutissaqaruit centerleder Gerda O. Christoffersen imaluunniit email-ikkut uunga gech@qeqertalik.gl imaluunniit oqarasuaat 38 70 73 attavigisinnaavat.
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput
Qinnuteqarnissamut killissarititaasoq: aggustip 3.-at, 2025