Kommune Qeqertalik Aasiaat Isumaginninnermi Sullissivimmi meeqqanut inuusuttunullu immikkoortortaqarfimmi sullissisutut marlunnik atorfiit inuttassarsiorneqarput 15. april 2025 imaluunniit isumaqatigiissuteqarnikkut sulilersussamik.
Atorfik sullissisumik, isumaginninnermi siunnersortimik tamatumunngaluunniit assingusumik ilinniagalimmik ilaqutariinnut aamma meeqqanik inuusuttun
illu sullissinermik misilittagaqartumik inuttalerusunneqarpoq.
Suliassaqarfiit makkuupput:
•Meeqqanut/inuusuttunut, kiisalu ilaqutariinnik sullissinermut atatillugu siunnersuillunilu ilitser-suinerit
•Meeqqanik paarisassanngortitsisarnerit, angajoqqaarsiassanik akuerisassanngortitsinerit
•Inatsisit susassaqarfimmut atuuttut tunngavigalugit sullissinerit
•Suleqatigisartakkanik illup iluaneersunik avataanersunillu suliassaqarfiit assigiinngitsut pillugit suleqateqarneq
•Suliassaqarfiit ataatsimiititaliaanni suliassanik piareersaaneq
•Sullissisartoqatigiit ataatsimiittarnerini, kiisalu suleqatigiissitani attuumassuteqarfigisani peqataasarneq
•Suliassanik aallartinneqareersunik iluarsaassineq malinnaatitsinerlu
•Nalinginnaasumik innuttaasunik sullissivimmi suliassanik naammassinninniarnermi peqataaneq.
Atorfinikkaanni naatsorsuutigineqassaaq, vagtordning-imut peqataanissaq.
Atorfimmik inuttaliiniarnermi nammineersinnaassuseq, ammasuuneq, allanngortitsinissamut aamma nutaaliorsinnaanermik piginnaaneqarneq pingaartinneqassapput.
Akissarsiat atorfimmullu atugassarititaasut.
Atorfinitsitsineq pissaaq isumaqatigiissutit atuuttut malillugit.
Inissaq:
Atorfimmut inissaqartitsisoqanngilaq.
Meeqqanik pinerliisimannginnermut aammalu pineqaatissinneqarsimannginnermut uppernarsaat:Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Atorfik pillugu paasissutissat ersarinnerusut, Inuit-mi aqutsisoq Rebekka Jensen-imut saaffiginninnikkut pissarsiarineqarsinnaapput oqarasuaat 38 70 89 imaluunniit e-mailimut: rj@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: apriilip 4.-at, 2025