Kommune Qeqertalik pikkorissumik tunniusimasumillu Aqqutissiuussisussarsiorpoq Majoriaq Qasigiannguani 01.05.2025 sulilersussamik kingusinnerusukkulluunniit sulilersinnaasumik pissarsiorpoq.
Majoriaq Qasigiannguit Suliffissanut, Ilitsersuisarnernut Pikkorissaqqinnernullu Qitiusumik Ingerlatsiviuvoq. Majoriami sulisut tallimaapput. Aqqutissiuussisup ulluinnarni suliassarivai ilinniartunut tunngassutillit, sulinermik misiliisut aammalu aqqutissiuussinerit saaffiginnittunut. Suliffissarsiortut assigisaallu. Suliffik tamakkiisumik suliffiuvoq. Qaninnertut aqutsisorissavaa Majoriami ulluinnarni ingerlatinermik akisussaasoq.
Atorfiup imarisaa:Misilittagaqartumik aqqutissiuussisumik Majoriaq Qasigiannguit peqataalluarsinnaasumik ataanilu makkunannga suliaqarluarsinnaasumik pissarsiorpugut:
- Ilinniarniarlutik saaffiginnittunik isumagisaqarneq
- Inuussutissarsiutitut ilinniagaqarniartut sullinneri
- Ilinniagaqartunut paasissutissat IT-reg-imut winformatik-imullu ikkussuunneri
- Ilinniagaqarniartunut aqqutissiuussineq
- Vejleder-netværk-ip ingerlanneranut akisussaaneq
- Sulinermik misiliisut sullinneri
- Ujartuilluni aqqutissiuussinerit
- Angajoqqaanik aqqutissiuineq
- Getorganized-erineq
- Pikkorissartussanik aqqutissiuineq
- Suliffissarsiortunik napparsimanersiutinillu qinnuteqartunik sullissineq
- Piginnaanngorsartut sullinneri aamma piginnaanngorsartunik pikkorissaaneq
Suliassat Majoriami sulisut allat kiisalu aqqutissiuusisut meeqqat atuarfiani efterskole-milu peqatigilluinnarlugit suliat ingerlanneqartassapput. Taamatullu suleqatit qanimut suliassaannik isumagisaqarneq.
Qinnuteqartunut naatsorsuutigisat:
- Allaffimmiutut ilinniagalik.
- Aqqutissiuussisutut ilinniagalik (piumasaqaataanngilarli, ilinniartoqarsinnaammat)
- System-it atorneqartunut ilisimasaqarneq IT-reg aamma winformatik aamma Getorganized.
- Suliffeqarfinnut suleqateqarluarsinnaasoq, attaveqarluarsinnaasoq.
Pingaartipparputtaaq:
- Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
- Uippakajaarani arlariinnik suliaqarsinnaasoq
- Erseqqissumik tappissumillu allattariarsorlunilu oqaluttariarsorsinnaasoq
- Nammineerluni sulisinnaasoq, akisussaassuseqartoq sullissiumatoorlu
- Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
- Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
- Nukittooq pilersitsiniallaqqissoq inissaqartitsiuartoq piumassuseqarluartorlu
- Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
- Atituumik suleqateqarluarsinnaasoq
- Marluinnik oqaasilik (kal/qall)
Neqoroorutigaavut:Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.
Akissarsiat atorfininnermilu atugassarititat: Aqqutissiuussisup akissarsiassat Naalakkersuisut isumaqatigiissutit atuuttut malillugit
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Atorfimmut inissaqartitsisoqanngilaq.
Paasissutissat annertunerusut pissarsiarineqarsinnaapput Majoriaq Qasigiannguit Centerleder +299 38 71 61 isan@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: apriilip 15.-at, 2025