Inunnik isumaginnittoq atorfinittussaq atuarfik Iparartarfimmi sulisassaaq suliassaqarfiisa ilagissavaat nunaqarfinni atuarfiit Kangaatsiap atuarfiata ataani sullinneqartut. Allatuulli Inunnik Isumaginnittup Kommune Qeqertalimmi Inunnik Isumaginnittut suleqataaffigissavai akisussaaqataaffigalugillu. Suliani Kangaatsiap atuarfia Iparartarfimmi nunaqarfinnilu Attumi, Iginniarfimmi, Ikerasaarsummi Niaqornaarsummilu atuarfiit Inunnillu Isumaginnittoqarfimmi ataqatigiississallugit. Sulinermini qullersarissavaa atuarfiup pisortaanera.
Suliassaasalu annersarissavaat atuarfiup aamma angerlarsimaffiit suleqatigiinnerat annertusassallugu pitsanngorsassallugillu. Susassaqartut meeraq qitiutillugu ataatsimiinnerni ataqatigiissaarissalluni. Ilinniartitsisut nalunaarusiornissaannik siunnersorlugit, oqaloqatiginnittarneq atuartunut angajoqqaanullu. Siunnersueqataaneq ilinniartitsisut akornanni suleqatigisassallugillu.
Inunnik isumaginnittup atuarfimmi sulisut allat isumaginnittoqarfimmilu sulisut peqatigalugit suleriaasissamik nutaamik inerisaaqataassaaq. Taanna suleriaasissaq nutaaq makkununnga tunngaveqassalluni atornerluinermut, killissamik qaangiiffigitissimanermut, qinngasaarinermut aappiullugulu atuarfiup iluani upalungaarsinermut suleqataanissaq. Pinartoqartillugu klassep iluani inunnik isumaginnittup ilinniartitsisut ilaqutaasullu peqatigalugit suleriaasissamik klassemut suliniuteqassaaq. Pinartoqartillugulu oqaloqatiginnittartuullunilu siunnersuisartuussalluni tamagiinnut.
Naatsorsuutigaarput:
-Inunnik isumaginnittutut ilinniagaqarsimanissat.
-Eqeersimaartuunissat, nammineersinnaalluartuunissallu.
-Inunnik isumaginnittutut sulisimanernik misilittagaqarluarsimanissat (Kommunep iluani sulisimanissaq, piumasaqataanngilarli)
-Sullarissoq.
-Piffissamik eqquisinnaasoq.
Kalaallisut qallunaatullu oqaaseqartuuneq iluaqutitaqassaaq, piumasaqaataanngilarli.
Pingaartipparput suleqatigiuminartuunissat, tatiginartuunissat inuttullu qanilaartuunissat.
Akissarsiat atorfininnermullu tunngasut:
Akissarsiat atorfininnermullu tunngasut pissapput Kalaallit Nunaanni Naalakkersuisut AK-llu imaluunniit Kattuffik alla isumaqatigiinniarsinnaasup isumaqatigiissutaat naapertorlugit.
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Annerusumik paasissutissat:
Arlaannik apeqqutissaqaruit imaluunnit paasissutissanik pissarserusukkuit Atuarfiup pisortaanera Sussi Adelholm attaveqarfigisinnaavat oqarasuaat: +299 87 21 38-imut sianerlutit imaluunniit email atorlugu uunga: suad@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: apriilip 23.-at, 2025