Kommune Qeqertalik, Najugaqatigiiffik Qajaasani , inunnik isumaginninnermi ikiortissarsiorpoq ulloq 1. April. 2026 atorfinittussanik. Qinnuteqaatit, ilinniarsimanermut uppernarsaatit, siusinnerusukkullu sulisimanermut oqaaseqaatit, ilanngullugit kingusinnerpaamik 27.03.2026tunniunneqassapput
Najugaqatigiiffimmi paasissutissat
Najugaqagiiffik Qajaasat afdelinginut 3-nut agguagaavoq, ineriartornikkut kinguarsimasut, tarnimikkullu napparsimasunut 9-nut inissaateqarluni, suliffik ulloq unnuarlu suliffiuvoq, sulisunut 20-nut naatsorsuussaalluni.
Najugaqatigiiffimmi pissutsit:
Najugaqatigiiffimmi innarluutilinni atorfik tamakkiisumik suliffiuvoq nikerartumik sap.ak. nal.ak. 40 tiimit suliffiulluni. Najugaqatigiiffik piginnaanngorsarfiuvoq, ulluinnarni sullitat nammineq angerlarsimaffeqalernissaanut kaammattuineq ingerlanneqartarluni. Najugaqatigiiffik immikkoortortaqarfiup INUIT ataani inissisimavoq.
Suliassat akisussaaffiillu:
·Najugaqartut ineriartornermikkut kinguarsimasut tarnimikullu napparsimasut inooqataanermikkut pisariqartitaat ulluinnarni qulakkiissallugit
·Eqqiluisaarneq tungiuineq il.il. peqataaneq
·Najugaqatigiiffiup pingaartitai anguniagaalu eqquutsinnissaanut akisussaqataaneq
·Immikkoortortami ullormut suliassanik peqataaneq.
Najugaqatigiiffik Qajaasanut qinnuteqartumut neqeroorut:
Akissarsiat atorfeqarnermilu atugassat:
Atorfinitsitsinermi akissaasersuisoqassooq isumaqatigiissutit atuuttut malillugit.
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Atorfimmut paasissutissat erseqqinnerusut pissarsiarineqarsinnaapput uunga saaffiginninnikkut: najugaqatigiiffimmi aqutsisoq Magdalina Martinsen oqarasuaat (+299) 911018. Imaluunniit mail-kkut mama@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: marsip 27.-at, 2026