Kommune Qeqertalik immikkoortortaqarfik Inoqarfik Qasigiannguani inissisimasussamik pikkorissumik tunniussimalluartumik ingerlatsinermi aqutsisutut, nunaminertalerisuusinnaasumillu pissarsiorpoq 01.04.2026 isumaqatigiissuteqarnikkulluunniit atorfinissinnaasunik.
ingerlatsinermi aqutsisutut & nunaminertalerisutullu Qasigiannguani aammalu nunap immikkoortuani nunaannarmi apeqqutit teknikkimut tunngasut ulluinnarni suliarisassavatit.
Atorfinittussaq Kommune allaffiani inissisimassaaq, qaninnertut qullersarissavaa Inoqarfimmi aqutsisoq.
Makku suliarisassavatit/akisussaafigissavatit
·Nunaminertalerineq
·Ulluinnarni aqutsinermi suliassat soorlu: aputaajaaneq, siorarterineq, paaviaaneq, puttasulerineq, anartarfilerineq eqqaavilerineq allarpassuillu ulluinnarni drifti ingerlanissaanut akisussaaffiit inoqarfiup ataaniittut akisussaaffigissuatit.
·Kalaalimineerniarfik aqunneqarnera
·Takornarianut illuaraq aqunneqarnera
·Umiatsialeriffik aqunneqarnera
·Eqqaavissuaqarneq aammalu entreprenøreqarneq ingerlatsinermi aqutsisup akisussaaffiisa ilagissavai
·Kommunip illuutai/ inissiat attartortittakkat nakkutigineri.
·Allaffissornikkut aningaasatigut aqutsinermut siunertaqartunik suliaqarluarsinnaaneq
Atorfiup imai:
Tunngaviusumik aalajangiinermut ilinnut naattorsuutigineqarpoq:
·Piffissamut ataqqinnittoq
·Illoqarfiup torersuunissaanut suliaqarusussusilik nutaaliorsinnaasorlu.
·Namminersorluni sulisartoq, akissussaammi suuneranik ilisimaarinnittoq sullisserusussuseqartorlu
·Oqaatsinik marlunnik atuisinnaassaatit qallunaalut kalaallisullu aamma oqalunnermi allattariarsornermilu oqaatsinik pitsaasumik atuisinnaaneq.
·Pisortat suliffeqarfiutaanni imaluunniit suliffeqarfimmi ingerlatsinermik sanaartornermillu suliaqartumi suliaqarnermik misilittagaqartoq.
·Kalaallit Nunaanni pissutsinik aamma Kalaallit Nunaanni suliaqarfiummut inatsisit attuumassuteqartunik ilisimasaqartoq.
·IT-p atortorissaarutaanik atuisutut atuisinnaasoq.
·Imigassamik aalakoornartortalimmik aamma aanngaajaarniutinik ajornartorsiuteqanngitsoq.
Ilinniakkatigut/misilittakkatigut piginnaasat:
·Allaffimmiutut allaffissornikkut ilinniarsimasoq misilittagaqartorluunniit,
·Tekniker-itut sanaartornerulluunniit iluani misilittagaqarsimaguit /ilinniagaqarsimasoq.
·Aqutsisutut allagartaqarneq iluaqutaassaaq.
Akissarsiaqarneq atorfinitsitaanerlu
Akissarsiat atorfinitsitaanermilu atugassarititaasut atorfininnerup nalaani Naalakkersuisut kattuffiullu isumaqatigiissuteqarsinnaatitaasup akornanni isumaqatigiissutit atuuttut naapertorlugit aaqqinneqassapput.
Atorfimmut atatillugu inissaqartitsisoqanngilaq.
Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Paasissutissat sukumiinerusut
Atorfik pillugu paasisaqarnerorusukkuit Inoqarfik Aqutsisumut Lola Johansen attavigisinnaavat oqarasuaat 38 71 63 imaluunniit e-mail lola@qeqertalik.gl
Qinnuteqarneq
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: marsip 30.-at, 2026