Angerlarsimaffimmi Ikiorteqarfiup aqutsisuata akisussaaffigai
angerlarsimaffimmi ikiortini sulisut.
Akisussaaffigissavatit: Ulluinnarni sulisunik aqutsineq kiisalu ikiortakkat sullinneqarneranni suliassanik ataqatigiissaarineq, inatsisit malittarisassallu atuuttut najoqqutaralugit, ilaatigut ikiortakkat ikiorneqarnissaanik naliliinerit, aammalu ikiortakkat sullinneqarnissaanik innersuussinerit.
Peqataanissaq ataatsimiinnernut assigiinngitsunut illup iluani aammalu illup avataani suleqatigiit akornanni.
Ilinnut ilimasuutigivagut:
-Ulluinnarni suliassarnik nammineerlutit aaqqissuussisinnaaneq, nammineerlutit aqutsisinnaallutit, aammalu suliassarnik ujartuillaqqittuusinnaallutit malittarisassat najoqqutaralugit
-Ulluinnarni ulapaarfiusumi suliffik nuannarissagit,
-Paaqqutarinninnermi/Isumassuinermi suleqatinik isummersuisinnaallutit, Kalaallit nunaanni pissutsit eqqarsaatigalugit.
-Misilittagaqarneq/ilinniaqqissimaneq aqutsinerup tungaatigut (piumasaqaataanngilaq)
-Sundhedshjælperi- sundhedsassisstenti.
Suliassat pingaarnerit:
-ikiorteqarnermi/isumassuinermi pilersaarusiorneq/ Ineriartortitsineq/ sulianik nalileeqqinnerit, utoqqarni illoqarfimmi najugalinnik
-Utoqqarnik illoqarfimmi ataasiakkaanik ikiortarialinnik isumassuinermi ikiorteqarnerup suliarineqartup naliliiffigineqarneranut malinnaanissaq aamma ingerlaavartumik eqquutsitseriaatsinik malitseqartitsineq
-paaqqutarinninnermi atortunik inniminniineq (annikittunik)
-Sulisunik nutaanik ilisarititsineq/sungiusaaneq
-Sulisunik Ilinniartunillu ilinniartitsineq/ ilitsersuineq ineriartortitseqataanerlu
-Paaqqutarinninnermi/Peqqissaanermi isumassuinermilu sulinermi ataasiakkaatigut illoqarfimmi ikiuussinnaaneq
Akissarsiaqartitsineq atorfinitsitinerlu:
Akissarsiaqartitsineq atorfinitsitinerlu pissapput atorfinitsinneqarnerup nalaani Naalakkersuisut kattuffiullu isumaqatigiinninniarsinnaatitaasup akornanni isumaqatigiissutit naapertorlugit.
Atorfinititsineq aatsaat pissaaq ”pisortatigoortumik pillagaasimannginnermut uppernarsaat” naammaginartoq pigineqarpat.
Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Inissaq:
Atorfimmut atatillugu inissamik innersuussisoqarsinnaanngilaq.
Atorfik pillugu paasisaqarusukkuit uunga saaffiginnissinnaavutit: INUIT aqutsisoq Sissi Lange Zeeb sila@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: marsip 27.-at, 2026