Kommune Qeqertalik Qasigiannguit Qeersaat Illuat sammisassaqartitsisumik pissarsiorpoq 1.april 2026 imaluunniit isumaqatigiissuteqarnikkullunniit sulilersussamik.
Atorfik sapaatip akunneranut 40 time-iuvoq. Qeersaat Illuani najungaqartut 20-iupput sulisullu katillungit 40 missaaniillutik.
Suliassat akisussaaffiillu:
·Assassortitsineq, sanalutsitsineq, erinarsortitsineq, atuffassineq, pisuttuarneq il.il.
·Qaammatikkaartumik ukiumoortumillu pisussanik pilersaarusioqataaneq.
·Sulisut allat peqatigalungit pinaveersaartitsineq.
·Suliffeqarfiup iluani illoqarfimmilu peqatigiiffinnik suliffeqarfinnik, kajumissutsiminnik suliaqartunik assigiinngitsunik suleqateqarneq.
·Ineqartut piginnaasaannik ataavartitseqataaneq.
·Ullorsiortoqartillugu nalliuttoqartillungulu kaffesortitsinermi akisussaaqataaneq.
·Allarpassuillu susassaqartitsisup akisussaaffii.
Qinnuteqartup piginnaasai:
·Perorsaanermik ikiortitut/socialassistent-itut perorsaasutulluunniit ilinniangalik tassugaluunniit assigusumik.
·Nammineersinnaassuseqarneq isumassarsiorsinnaanerlu najungaqartullu pisariqartitaai aallaavingalungit iliuusissamik pilersaarusioqataasinnaasoq.
·Timikkut tarnikkullu peqqissoq.
·Utoqqarnik, puiguttortunik, innarluutilinnillu sullissinissamik nuannarisaqartuunissat soqutingisaqarnissallu.
·Suleqatikkuminnartoq.
Akissarsiat – atorfinitsinneqarneq:
Akissarsiat atorfininnermilu atugassarititaasut, Naalakkersuisut kiisalu kattuffiup isumaqatigiinniartussaatitaasup akornanni atorfininnerup nalaani isumaqatigiissutaasut naapertorlugit atorfininneq pissaaq.
Atorfimmut inissaqartitsisoqanngilaq.
Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Atorfik pillugu erseqqinnerusumik paasissutissat Qeersaat illuani aqutsisumut paasiniarneqarsinnaapput Louise Hansen oqarasuaat: 91 46 43 imaluunniit e-mail: Lh@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: marsip 26.-at, 2026