Kommune Qeqertalik Qasigiannguit Inuit/isumaginnittoqarfimmi meeqqanut inuusuttuaqqanullu sullissisussarsiorpoq 1. maj 2026 atorfinittussamik isumaqatigiissuteqarnikkulluunnit
Qasigiannguit Inuit Isumaginninnermut ingerlatsivimmi immikkoortortami aqutsisoq qaninnerpaatut pisortarissavat qaninnerpaatullu suleqatigisallugit Meeqqanut- Inuusuttunut Ilaqutariinnullu tunngasuni sullissisut.
Illit akisussaaffigissavatit Isumaginninnermut immikkoortortami meeqqanut suliassaqarfiup iluani suliat ingerlasut aamma nutaat paasisallu nutartikkat pillugit ataavartumik immikkoortortami aqutsisumut ilisimatitsissutigisarnissai, tassunga ilanngullugit pingaartumik isumaginninnikkut nalunaarusiat, iliuusissatut pilersaarutit sulianillu angerlarsimaffiup avataanut inissisimasunut ulloq unnuarlu inissisimasuni nakkutiginninneq aammalu angajoqqaarsianik sullissineq ulluinnarni suliarissallugu, assigisaallu kiisalu inissiinissamik suliat ingerlasut tamaasa killiffiinik kisitsisitigullu nalunaarsuinermik sulianut tunngasut isumagissallugit.
Meeqqanut- inuusuttunut ilaqutariinnullu angajoqqaarsialerinermi angerlarsimaffimmilu inissinneqarsimasunut meeqqanut tunngasuni sullissineq, siunnersuisarneq ilitsersuisarnerlu suliarissavatit, Qasigiannguani sullissinerni kalaallit nunaanni isumaginninnikkut inatsiseqartitsineq tunngavigalugu sullissineq ingerlavoq.
Suliat ilungersunartut suliarineqarnerini suleqataasassaatit kiisalu isumaginninnermut ingerlatsivimmut nalunaarutiginninnerit takkuttut tamaasa suliarineqarnissaat iliuuseqarfiginissaallu qulakkeertarlugit. Immikkoortortani assigiinngitsuni sulisut ataatsimeeqatigiittarnissaat kiisalu ”ilaqutariinnut meerartaartussanut siusinaartumik iliuuseqarnerit” suleqataaffingalugit sullissineq ingerlanneqassooq.
Pingaarnertut suliassarissuatit.:
Angajoqqaarsianik sullissineq.
Meeqqat angerlarsimaffiup avataanut inissinneqarsimasunik nakkutilliineq.
Aammalu ulluinnarni sullissinermi meeqqanut inuusuttuaqqanullu sullissineq.
Isumaginninnermi ataatsimiititaliamut innersuussutit isumagalugit. Ataavartumik paasissutissiisarneq. Aammattaaq najukkami isumaginninnermi pingaartuusartunut suleqataasassaatit.
Sulinermi GETORG. System atorneqarpoq, taannalu pillugu ilitsersuunneqassuutit.
Atorfik makkunuuna piginnaanilimmik inuttalerneqarusuppoq:
· Siunnersortitut ilinniarsimasoq, isumaginninnerup iluani suliatigut pikkorissarsimasut, inulerinerup iluani misilittagalik, pingaartumik meeqqanut inuusuttunullu tunngasuni aammalu isumaginninnikkut inatsisilerinermik pikkorissarsimasut taamatulluunniit pikkorissarusuttut aamma atorfimmut piukkussanut ilaasinnaapput.
·Meeqqanut Inuusuttunullu pilersaarummik siunertaanillu ilisimasalik.
·Meeqqanut tunngasutigut allaffissornikkut inatsisilerinermik misilittagalik.
·Meeqqanut inuusuttunullu tunngasunik tunngaviusumik sullissinermi aqutsinikkut suliaqarnermik sullissisut illullu avataani suleqatigisanik ittorisanillu suleqateqartarnermik misilittagalik.
·Tarnikkut nakuusoq, ataqatigiissaartumik suleriaasilik suliatigullu nalilersuisinnaasoq.
·Aaqqiangiinngissutinut isornartorsiuinernullu atatillugu aaqqiiniartarnerni misilittagalik.
·Tatiginartoq, malussarissoq ileqqorissaarnissamullu maligassiuisoq.
·Attaveqallaqqissoq sunniuteqarsinnaasorlu.
·Akisussaassusilik, akuersaartoq suliassanillu aallussilluartoq, suliassaqarfiup iluani peqqussutinik nutaanik sullissinermilu periusissanik nutaanik atuutilersitsinissamut piginnaanilik.
·Allannguinissamut piareersimasoq, malinnaalluartoq eqinnaattorlu.
·Suliassat attuumassuteqarsinnaasut allat, ilaatigut suliarineqarsinnaapput.
·Tarnikkut eqqarsartaatsikkullu nukittooq.
Akissaatinut atorfininnermullu tunngatillugu atungassarititaasut
Akissarsiat atorfininnermilu atugassarititaasut, Naalakkersuisut kiisalu kattuffiup isumaqatigiinniartussaatitaasup akornanni atorfininnerup nalaani isumaqatigiissutaasut naapertorlugit atorfininneq pissaaq.
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Taakku saniatigut atorfik pillugu akisussaaffiit allaaserinninnerillu innersuussutigineqarput pisortamut saaffiginnilluni pissarsiarineqarsinnaasut Rakel G Grønvold ragg@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: apriilip 16.-at, 2026