Kommune Qeqertalik Qeqertarsuaq 4-nik ilinniartitsisussarsiorpoq Qeqertarsuup Atuarfiani sulilertussanik.
Atorfinititsineq pissaaq 01. Januar 2026 imaluunniit isumaqatigiissuteqarnikkut.
Qeqertarsuup atuarfia trinninut pingasunut avitaasunut 120 missaannik atuartuuteqarpoq, 1.-10.klassinut, immikkullu atuartitsiffiusoq klassi ataaseq katillugillu 21-nik ilinniartitsisoqarluni.
Ilinniartitsisut pisariaqartinneqartut ukunaniipput:
Akullerni: Ilinniartitsisut marluk fagene ukunani atuartitsisinnaasut: Qallunaatut, tuluttut, matematik, pinngortitalerineq, inuttut ineriartorneq.
Angajullerni: Ilinniartitsisut marluk fagine ukunani atuartitsisinnaasut: Kalaallisut, qallunaatut, tuluttut, fysik/kemi, biologi, geografi, inuiaqatigiilerineq. Atuartunullu angajullernut siunnersortitut atuuffik.
Pisariaqassappat allannguuteqartoqarsinnaanera periarfissaasinnaavoq.
Siunissami meeqqat inuusuttullu ilinniagaqalernissaannut suleqataarusuppit? Ullut assigiinngiiaartumik ingerlaartut suliassat assigiinngitsut ullut ingerlanerini ingerlatassat unammillernartunik ilaqarsinnaasartut suleqatigiiffigalugit ingerlariaasilimmi sulilerusuppit?Ingerlaavartumik ineriartortitseqataarusuppit? Taamaappat pisariaqartippatsigit.
Qinnuteqartunut naatsorsuutigineqarput piginnaasarineqassasut:
• Ilinniartitsisutut ilinniarsimasuunissaq
• Akisussaassuseqarluartoq, eqeersimaartoq pimoorussisorlu.
• Suleqatikkuminartoq, kiinnerluarsinnaasoq aalajaatsorlu
• Timikkut tarnikkullu peqqissoq
• Takorluuilluarsinnaasoq, ineriartornermut tunngatillugu nutaaliortoq
• Akuersaartoq, namminerlu aallartitsisinnaasoq
• Periarfissanik ingerlatsitsisinnaasoq, aporfiit uniffiginagit
• Atuarfimmi avatangiisini allanngorartuni ineriartortunilu,suleqataanissamut piumassuseqarneq.
• Atuartitseriaatsinut nutaanut ammaffiginnittoq
• iPadimik atuarnissamik paasisaqarusuttoq
• Eqaatsumik sulisinnaasoq.
Aningaasarsiat atorfininnermilu atugassarititaasut:
Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat aammalu isumaqatigiissutit Kalaallit Nunaanni Inatsisartut ilinniartitsisullu kattuffiata IMAK-ip isumaqatigiissutai atuuttut malillugit pissapput (takuuk www.imak.gl) Qinnuteqartut, tjenestemandit atorfianneersut, atorfinititseriaaseq taanna pigiinnassallugu pisinnaatitaaffeqassapput.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Erseqqissaatigineqassaaq atorfinitsinneqarnerup uppernarsarneqarnerata kinguninnguatigut ingerlaannartumik initaarnissaq pisinnaanngimmat, inissaq pissarsiarineqarpat nuuttoqarsinnaalluni. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Saniatigut atorfik pillugu paasissutissanik pissarsisoqarsinnaavoq atuarfimmi pisortaagallartumut Hanne Mølgaard, mail: hamo@qeqertalik.gl tlf. 92 29 42 saaffiginninnikkut.
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaannut qilanaarpugut.
Qinnuteqarnissamut killissarititaasoq: decembarip 19.-at, 2025