Kommune Qeqertalik, Aasiaat, isumaginninnermi immikkoortortaqarfimmi innarluutilinnik sullissisussamik pissarsiorpoq 1. November 2024 imaluunniit immikkut isumaqatigiissuteqarnikkut atorfinittussamik.
Atorfiup aaqqissugaanikkut inissisimaffia.
Atorfimmi tassani sulisoq isumaginninnermi immikkoortortaqarfimmi pisortaasup ataaniippoq.
Atorfiup suliassai akisussaaffiilu ilaatigut makkuupput:
·Kommunep iluani innarluutillit atugaat pillugit ornigulluni nakkutiginninneq, kiisalu utoqqaanernut ikiortarialinnik pisariaqartitsisoqarpat nalunaarutiginninneq
·Innarluutilinnut tunngasunik saaffiginnissutinik tigusisarneq siunnersuinerlu.
·Innarluutillit pillugit misissuineq inunnik isumaginnittoqarfimmi, peqqinnissaqarfimmi sulisut tapersersortaasullu suleqatigalugit
·Inatsisit atuuttut malillugit innarluutilinnut iluaqusersuutaasinnaasunik nalilersuineq – tamassuma ataani tapersersorteqalernissamut innersuusiorneq aammalu angerlarsimaffimmi ikiorteqarnissamut innersuusiorneq. Ataatsimiititaliamut tværfagligimut inunnik isumaginninnikkullu ataatsimiititaliamut iluaqusersuutit atornissaannut qinnuteqaasiorneq.
·Innarluutillit kommunimiit ikiortillit/tapersersortillit nakkutigalugit.
·Innarluutillit angerlarsimaffiini aamma kommunip avataani angerlarsimaffinni najugalinnut nakkutiginninneq sullissinerlu.
·Tapersersortinik ataqatigiissaarineq
·Isumaginninnermi piareersimanermi peqataaneq
·Immikkut suliassanik assigiinngitsunik suliaqarneq.
Piginnaasat:
·Socialrådgiveri imaluunniit rådgivningsassistent ilaqutariinnik, meeqqanik inuusuttuaqqanillu sullissinermik misilittagalik.
·HK-assistent meeqqanut inuusuttuaqqanullu sammisumik pikkorissarsimasoq imaluunniit naleqquttumik ilinniagalik.
·EDB-mik atuisinnaasutut ilisimasalik.
·Ataqatigiissaarisartoq, tatiginartoq, aalajaatsoq, peqqissaarrtoq suleqatikkuminartorlu.
·Atorfinittussamut piumasaqaataavoq tarnikkut nukittunissaq.
Akissarsiatigut atorfeqartitaanikkullu atugassarititaasut:
Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Paasissutissat erseqqinnerusut uunga saaffiginninnikkut pissarsiarineqarsinnaapput Kommune Qeqertalik, Immikkoortartami aqutsisoq Laura Rafaelsen Nielsen oqarasuaat 70 19 00 imaluunniit email lrn@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: oktobarip 31.-at, 2024