Kommune Qeqertalik Qasigiannguiani Qeersaat Illuanni igaffimmi aqutsisumik pissarsiorpoq 1. januar 2025 imaluunniit isumaqatigiissuteqarnikkut atorfinittussamik.
Atorfik sapaatip akunneranut 40 time-iuvoq. Qeersaat Illuani najungaqartut 20-iupput naatsorsuutingineqassaarlu weekend pingasukkaarlungit weekend-ini sulisarnissaq.
Qeersaat Illuat katillungit 30 sinnilaarlungit sulisoqarpoq tassanilu ilaapput inulerisut, asaasut marluk, errorsisartoq, pedel, susassaqartitsoq aqutsisullu.
Suliassat akisussaaffiillu:
·Nerisassiorneq
·Nerisassanik najungaqartut peqatingalungit pilersaarusiornerit
·Nammineerluni nakkutilliineq nerisassiorneq nillataartitsiviit qerititsiviillu eqqarsaatingalungit.
·Nerisassat peqqumaataasivimmiittut nakkutigissallugit
·Ullormut ineqartunut nerisassat kissartut 20 missaannut avataanullu pajuttakkanut pitsaasumik sullissineq
·Utoqqaat peqqinnarnerusumik inuuneqarnissaannik ineriartortitsinermi peqataaneq
Qinnuteqartup piginnaasai:
·Igaffimmi ikiortitut imaluunniit ernærings/køkkenassistent ilinniagaqarsimassasutit
·Ilinniagaqassutsikkut piginnaasaqarluartuunissat iliuusissanillu toqqaaninni isorisannik paasisaqarusussuseqarnissat
·Utoqqarnik innuttaasunillu sullissaqarusuttutit soqutiginnittutillu
·Ilinniakkat akimorlugit suleqatigiinnermut piginnaasaqarluartuunissat
·Avatangiisinik pitsaasunik, isumassarsiullaqqissutsimik, isumassarsititsisinnaanermik inerisarfiusunillu pilersitseqataanissat
·Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
·Uippakajaarani arlariinnik suliaqarsinnaasoq
·Nammineerluni sulisinnaasoq, akisussaassuseqartoq sullissiumatoorlu
·Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
·Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
·Nukittooq pilersitsiniallaqqissoq inissaqartitsiuartoq piumassuseqarluartorlu
·Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
·Atituumik suleqateqarluarsinnaasoq
Akissarsiat – atorfinitsinneqarneq:
Akissarsiat atorfininnermilu atugassarititaasut, Naalakkersuisut kiisalu kattuffiup isumaqatigiinniartussaatitaasup akornanni atorfininnerup nalaani isumaqatigiissutaasut naapertorlugit atorfininneq pissaaq.
Atorfimmut inissaqartitsisoqanngilaq.
Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Atorfik pillugu erseqqinnerusumik paasissutissat Qeersaat illuani iggavimmi aqutsisumut paasiniarneqarsinnaapput Karl Poulsen oqarasuaat: 91 46 67 imaluunniit e-mail: kapo@qeqertalik.gl imaluunniit pisortamut tullersortimut Ngalannguaq Simigaq Broberg 91 46 53 ngbr@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut –
pikkorissarsimanermut uppernarsaatit, kiisalu oqaaseqaatit assigisaallu,
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqarnissamut killissarititaasoq: novembarip 22.-at, 2024