Kommune Qeqertalik Qasigiannguiani Qeersaat Illuat aqutsisumik pissarsiorpoq 1. januar 2025 imaluunniit isumaqatigiissuteqarnikkut atorfinittussamik.
Atorfik sapaatip akunneranut 40 time-iuvoq angerlarsimaffimmilu paarlangaajaannikkut pingaartuusarluni. Qeersaat Illuani najungaqartut 20-iupput, immikkoortortanilu marluusuni avinneqarnikuullutik. Tassani ini ataaseq oqilisaassinertut piffissalingaasumik atorneqarsinnaalluni. Qeersaat illuani sulisut katillugit 31 missaaniipput.
Suliassat akisussaaffiillu:
·Aqutsineq suliassanillu agguataarineq
·Allaffissornikkut aqutsinermut akisussaaneq
·Ulluinnarni ingerlatsineq
·Paaqqutarinninnermi/isumassuinermi pitsaasumik najungaqartunut sullissinermi qulakkeerinninneq
·Paaqqutarinninnerup pitsaassusaata isumannaarnissaa
·Missingersuutit naatsorsuutillu
·Sulisut piginnaasaanik ineriartortitsineq
·Utoqqaat angerlarsimaffianni tarnikkut, timikkut kiisalu inooqataanikkut suliffimmi avatangiisit sulisunut kiisalu atuisunut tamanut naammaginartuunissaanik qulakkeerinninneq
·Angerlarsimaffimmi pingaartuuneq
Qinnuteqartup piginnaasai:
·Allaffissornikkut aqutsinikkulluunniit ilinniarsimasoq misilittangalilluunniit
·Peqqinnissamut tunuliaqutalik imaluunniit ilinniangalik
·Utoqqarnik innarluutilinnillu sullissinermik misilittangalik.
·Attaveqarluartoq suleqatikkuminartorlu
·Eqqarsartaatsikkut patajaassuseq
·Inuit allat misigissusaannik paasinnissinnaaneq
·Ilinniagaqassuseq akimorlugu suleqatigiissinnaassuseqarneq
·Aallartisaasoq
·Aqqissuussaasumik sulisinnaaneq
·Tatiginartoq, tunniussimasoq kiisalu akisussaaffimminik ilisimaarinnittoq
·Aaqqiagiinngissutsit aaqqinnissaanut pikkorissuseqartoq
Atorfik sulisunik aallussilluartunik suleqateqarluni suliassatigut inuttullu ineriartornissamut periarfissaqarluarpoq. Atorfik ilungersornartunik suliaqarfiuvoq, aammali suliatigut inuttullu unammillernartortaqarluni, aammalu kommunep siunissami utoqqarnut tunngassutilinnut suliassanut ineriartortitsinermut sunniuteqarnissamut periarfissaqartitsilluni.
Akissarsiat – atorfinitsinneqarneq:
Akissarsiat atorfininnermilu atugassarititaasut, Naalakkersuisut kiisalu kattuffiup isumaqatigiinniartussaatitaasup akornanni atorfininnerup nalaani isumaqatigiissutaasut naapertorlugit atorfininneq pissaaq.
Inissaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqar-nermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Atorfik pillugu erseqqinnerusumik paasissutissat Inuit qasigiannguit pisortaanut paasiniarneqarsinnaapput Pia Tina Lange e-mail: ptl@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut –
pikkorissarsimanermut uppernarsaatit, kiisalu oqaaseqaatit assigisaallu,
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqarnissamut killissarititaasoq: novembarip 22.-at, 2024