Kommunip aningaasaqarneranik aqutsinermi siuttoorusuppit Kommune Qeqertalimmilu peqqissumik piujuartitsisumillu ineriartorneq qulakkeerinneqataaffigerusullugu? Kommunip pisortaqatigiivini qitiusumik atuuffeqarnissaq soqutigiviuk aammalu kommunaldirektørimut, borgmesterimut kommunalbestyrelsimullu qanittumik siunersioqatigineqartarusullutit?
Kommune Qeqertalik Aningaasaqarnermut pisortassarsiorpoq, paasiuminartunngortitsisinnaasumik, aqutsinermik qulakkeerinnissinnaasumik aamma politikkikkut periusissiorluni anguniakkanik peqqissumik aningaasaqarnikkut aalajangiinernut aqqutissiuisinnaasumik.
Kommune ineriartortoq
Kommune Qeqertalik 6.500 miss. innuttaqarpoq illoqarfinni sisamani agguataarsimasunik – Aasiaat, Qeqertarsuaq, Qasigiannguit aamma Kangaatsiaq – kiisalu nunaqarfinni arfineq pingasuni. Kommuni nunami isorartuumi inissisimavoq, angalaniarnikkut pissutsit isorartussutsillu ataatsimoornissap kimiganut suleqatigiinnissamullu annertuumik immikkut unammillernartarlutik.
Kommuni siunnerfilimmik suliaqarpoq kommuni tamakkerlugu inuunerissaarnerup nukittorsarnissaanut, nunassiffissatut inuussutissarsiornikkullu ineriartortitsiffissatut tunngavissinniarlugu. Inoqarfiit ataasiakkaat immikkuullarissumik periarfissaat atorluarniarneqarput – assersuutigalugu takornariartitsineq ilisimatusarnerlu Qeqertarsuarmi, kulturikkut sunngiffimmilu sammisassaqartitsinerit Qasigiannguani, kiisalu Kangaatsiami nunaqarfinnilu pimoorussineq aalisarnerlu. Avannaani Aasiaat umiarsualivittut pingaarnertut atorneqarpoq kommunimilu tamarmi inerisaanissamut periusissiami immikkut pingaarutilittut inissisimalluni.
Akisussaaffik suliassallu
Aningaasaqarnermut pisortatut kommunip ataatsimoortumik aningaasaqarnikkut aqutsineranut pingaarnertut akisussaasuussaatit – missingersuusiorneq, naatsorsuutit, akissarsiat aqutsisullu paasissutissiisarnerat ilanngullugit. Isumalluutinut qitiusoqarfimmi pisortaassaatit pisortaqatigiinnilu tamarmiusuni kommunaldirektørimut tullersortitut atuuffeqassallutit.
Makku isumagissavatit:
·Paasiuminartitsineq, pitsaassuseq piffissamillu eqquisumik ukkassillutit peqqissumik piujuartitsisumillu aningaasaqarnermik qulakkeerinninneq.
·Aqutsinermi sakkussanik ineriartoritsineq aserfallatsaaliinerlu, politikkikkut allaffissornikkullu aalajangiinernut tunngavissaqartitsisunik.
·Kommunaldirektørip, borgmesterip, aningaasaqarnermut ataatsimiititaliap kommunalbestyrelsillu siunnersornissaat.
·Pisortat aningaasaqarnikkut ingerlatsineranni inatsisinik malittarisassanillu malinninnissamik qulakkeerinninneq
·Namminersorlutik Oqartussanik, kommuninik allanik avataanilu suleqatinik attaveqarluarnermik suleqateqarluarnermillu qulakkeerinninneq
·Kommunip periusissiorluni ineriartorneranut iliuuseqarnikkut ikorfartuineq ingerlatsiviillu akimorlugit pisortaqatigiit suliaqarneranni peqataaneq
·Aqutsisut pisortallu aningaasaqarnermut qaammaasaqarnissaannik isumalluutinillu atorluaanissaannik ikorfartuineq.
Pisortaq ujartugarput:
·Tulluartumik aningaasaqarnikkut qaffasissumik ilinniagaqarsimasoq kandidatitut qaffasissusilimmik – assersuutigalugu cand.oecon., cand.merc., cand.merc.aud imaluunniit HD(R).
·Missingersuusiornermik, naatsorsuuserinermik, aningaasaqarnermik misissueqqissaarnermik aqutsinermillu atituumik misilittagaqartoq – ajornanngippat pisortat suliffeqarfiinit.
·Suliffeqarfimmi politikkikkut aqunneqartumi pissutsinik immikkuullarissunik paasinnittoq aammalu politikkip allaffissornerullu akornanni sumiissusersiorsinnaasoq.
·Periusissiorluni aqutsinermik misilittagaqartoq, aamma paasiuminartunngortitsinermik immikkuualuttunillu ataqatigiissitsisinnaassuseqartoq.
·Aningaasaqarnikkut aqutsinermi atortunik digitaliusunillu, soorlu ERP-nik aqutsisunullu paasissutissiissutaasunik atituumik misilittagaqartoq.
·Ersarissoq, suleqatiginnissinnaassusilik tatiginartorlu – aammalu kimittuumik attaveqaatinik, illup iluani avataanilu, pilersitsisinnaassusilik.
·Ersarissumik aammasumillu attaveqaqatiginnissinnaasoq – aamma pisuni ajornakusoornartuni tatisimaarneqarfiusunilu.
·Oqaatsinik tulluartunik atuisinnaasoq.
Pingaartutuutippagut:
·Kommunip aningaasaqarneranik pilertortumik paasiuminartunngortitsisinnaasoq, aamma aqutsinermik patajaassusermillu qulakkeerinnilluni.
·Kommunaldirektørimik, borgmesterimik kommunalbestyrelsimillu suleqatigiinnermik tatigeqatigiiffiusumik ineriartortitsineq.
·Aningaasaqarnermik aqutsinerup nukittuup pilersinneqarnissaanut peqataaneq, piffissaatillugu naleqarnerulersitsisumillu aqutsisunut ilisimatitsisarnermik pilersuisumik.
Makku pissavatit:
·Aqutsisutut atorfik qitiusoq sunniuteqarfiusorlu kommunaldirektørimik, borgmesterimik kommunalbestyrelsimillu qanittumik suleqatiginniffiusoq.
·Kommunimi unammillernartorsiorfiusumi ineriartornissamullu periarfissagissaartumi imaqarluartumik akisussaaffeqarneq.
·Suliffeqarfimmi kimilimmik naleqartitaqarfiusumi suleqatigiillu pimoorussillutik ataatsimoorussiffigisaanni sullivimmi avatangiisit pissanganartut nikerartullu.
Neqeroorutigivagut:
Atorfik pisortat isumaqatigiissutaat nutaaq 12. juuni 2025-meersoq malillugu akissaasersorneqarpoq. Akissarsiat inissisimaffianni lønramme 39-miippoq, taamaalilluni akissarsiat 1. apriili 2025 aallarnerfigalugu qaammammut 79.403,53 koruuniullutik, ukiumut 952.842,36. Sulisitsisup soraarnerussutisiaqalernissamut 10 %-imik tapiisassaaq, kiisalu tapeqartitsissalluni soraarnerussutisiaqalissutaasinnaasumik, akissarsianiillu 5 % soraarnerussutisiaqalernissamut ilanngaatigineqartassaaq.
Atorfik piffissami killileriikkami isumaqatigiinnikkut inuttalerneqassaaq.
Atorfimmut atatillugu inissaqartitsisoqarpoq, soorlu aamma atorfininnermut soraarnermullu atatillugu angalanermut akiliussisoqassalluni, kiisalu pequtit nassiunnerinut akiliussisoqarsinnaalluni.
Qinnuteqarneq sulisussarsiornerullu ingerlanissaa
Qinnuteqaatitit una linkeq atorlungu qinnuteqassuutit: Økonomidirektør hos Kommune Qeqertalik
Atorfinitsitsiniarluni suliaq Thomsen Consulting-imit isumagineqarpoq. Qinnuteqarfissaq kingulleq tassaavoq sisamanngorneq ulloq 20. november 2025 nal. 12.00.
Kissaatigineqarpoq atorfik 01. januaari 2026 inuttalerneqassasoq imaluunniit isumaqatigiissuteqarnikkut.
Atorfinitsitsiniarluni suliap ingerlaneranut apeqqutissaqaruit Niels Thomsen attavigisinnaavat oqarasuaat +299 586636 / +45 5432 8408 atorlugit, imaluunniit niels@thomsen.gl.
Atorfik pillugut aalajangersimasunik paasisaqarusukkuit Sulisoqarnermut pisortamut Anja Jensenimut attaveqarsinnaavutit +299 387015-imut imaluunniit anja@qeqertalik.gl -imut.
Qinnuteqarnissamut killissarititaasoq: novembarip 20.-at, 2025