Kommune Qeqertalik Qasigiannguani Meeqqat Angerlarsimaffianni Puilasoq perorsaasussarsiorpoq tassungaluunniit assingusumik ilinniagalimmik 1. Januar 2026 isumaqatigiissuteqarnikkulluunniit atorfinittussamik.
Atorfik allaffissornikkut inississimavoq Qasigiannguit, tassanilu Meeqqat Angerlarsimaffiata aqutsisoq qaninnertut qullersarissavat.
Ulloq unnuarlu angerlarsimaffik Puilasoq meeqqanut inuusuttunullu 0-17-nik ukiullunut angerlarsimaffiuvoq meeqqanut sumiginnagaasimasunuk, kisianni annertunerusumik katsorsartinnissaminnik pisariaqartitsinngitsunik.
Qinnuteqartussamut piumasaqaatit
·Perorsaasutut ilinniagaqartuusutit.
·Nammineersinnaassuseqarlutit sulisinnaasutit, tamatumunngalu ilutigalugu illugiimmik pisussaassuseqarpalaartumik suleqatinik aammalu aqutsisunik suleqateqarsinnaassuseqartutit
·Meeqqanut/ilaqutariinnut toqqissisimanartumik ineriartorsinnaanermullu sinaakkusiisunik sullissinerup iluani pilersitseqataanissamut piumassuseqartuusutit
·Piffissani nikingasuni, akunnerit naanerini aammalu pinngortitamut asiatarnerni sulisarnissaq piareersimaffigigitit.
·Tarnikkut nukittuujuneq, qanimajaatsuuneq nammineersinnaassuseqarnerlu
·Qiimasuuneq suleqatinut najugaqartunullu akaarinnittoq
·Suleqatigiinni kulturip killingi akimorlugit ilinniakkallu tamat akornannut inissinneqarnissamut piareeqaneq
·Suleqatinut najugaqartunullu naalaarluarsinnaaneq
·Suliassanik agguataarillaqqissuuneq tamakkiisumillu isiginnissinnaaneq
·Angerlarsimallutit pigaartuusartunut (bagvagt) ilannguttitaanissat
·Piffissami qaninnerusumi ungasinnerusumilu anguniaqaqarlutik sulisinnaassuseqarnissat
Neqeroorutigisinnaavagut
·Suliffeqarfik pissanganartoq, ineriartortuartorlu.
·Pikkorissartitsinerni peqataanissamut periarfissaqarneq.
·Oqilisaanneqarluni oqaloqatigineqarneq.
·Angalanerit: Aallaarsimanerit sullitamullu angallassisinnaaneq naatsorsuutaassooq.
Akissarsiat atorfeqarnikkullu atugassarititat
Akissaatinut atorfeqarnermullu pissutsit, Naalakkersuisut atorfinittullu ilinniagaa tunuliaqutaralugu kattuffigisaata akornanni isumaqatigiissutaa atorfinitsitsinermi tunngavigineqassapput.
Meeqqanik pinerliisimannginnermut aammalu pineqaatissinneqarsimannginnermut uppernarsaat
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Inissaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Atorfimmut paasissutissat annerusut piniarneqarsinnaapput Kommune Qeqertalimmi siunnersortimut Martha Lund Olsen oqa; 485850, mlo@qeqertalik.gl Qasigiannguani Inuitni pisortamut Sissi Lange oqarasuaat 387133 , imaluunniit e-mail-ikkut sila@qeqertalik.gl.
Qinnuteqarneq
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqarnissamut killissarititaasoq: novembarip 22.-at, 2025