Ulloq unnuarlu angerlarsimaffik Puilasoq, Qasingiannguit Pisortassarsiorpoq
Meeqqat immikkut ikiorserneqarnissaminnik pisariaqartitsisut, ulluinnarni toqqissillutik peroriartornissaannut qulakkeerinneqataarusuppit? Taava illit pisariaqartippatsigit
Meeqqat inuusuttullu ulloq unnuarlu angerlarsimaffiat Qasingiannguaniittoq pisortassarsiorpoq 15. December 2025, imaluunniit 1. Januar 2026.
Puilasoq
Angerlarsimaffik 2024-p ingerlanerani meeraarussimavoq, Kommune Qeqertalimmi kommunalbestyrelsep pingaartippaa ulloq unnuarlu angerlarsimaffiup ammaqqinnissaa.
Angerlarsimaffik meeqqanik arfineq pingasunik meerartaqarsinnaavoq, perorsaanikkullu anguniagaavoq meeqqamut / inuusuttumut avatangiisaanut eqqissisimanermik aamma toqqissisimanermik angerlarsimafferpalaartumillu pissutsinik pilerseqataasussat, ineqartut inuunerminnik imaqartunik, akisussaassusilimmik peqataaffiusumillu timikkut tarnikkullu pitsaasumik ineriartornissaannut qulakkeerinninnissaq.
Akisussaaffiit ilaat;
·Kommune Qeqertalimmi naleqartitat pingaartillugit, ulluinnani sulinermi anguniartuassallugit
·Meeqqat/ Inuusuttut siunertalimmik ulluinnarni sullinneqarnissaat qulakkeerneqarnissaat pingaartissallugu – tassanilu angajoqqaat qanimut suleqateqarnissaq
·Angerlarsimaffiup nutarterneqartuarnissaanik / ineriartortinneqartuarnissaanik qulakkeerinissaq – sulisut ineriartortuarnissaanik qulakkeerinnissinnaaneq
·Kommune Qeqertalimmi Inuit immikkoortortaqarfiannut allanullu pisortat suliffeqarfiinut qanimut suleqateqartuarnissamut kajumissuseqarnissaq
Pisinnaasat kissaatigineqartut:
·Perorsaasut imaluunniit tassunga assingusumik ilinniaqarsimanissaq
·Meeqqanut sumiginnagaasimasunut ilisimasaqarnissaq, ulluinnarnilu siunertamut sullissinermik misilittagaqarnissaq
·Allaffissornikkut aningaasanillu aqutsinermut piumasaqaataasut aallaavigalugit sulisinnaaneq
- Inuunermik pitsaasumik isiginnittaaseqassasutit akuersaartumillu isiginnittariaaseqarneq aallaavigalugu atassuteqarnernik pitsaasunik pilersitsisinnaasutit
- Pisortatut misilittagaqarluartutit, suliassanillu agguaassillaqqissuusutit
Kalaallit kulturiannik ulluinnarni pingaartitsineq, suleriaatsit ilagimmassuk angalaarneq, pilineq il.il.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Paasissutissat sukumiinerusut
Piffissaq suliffiusussaq sapaatit akunnerannut nalunaaquttap akunnerinik 40-nik sivisussuseqarpoq. Atorfik pillugu paasissutissanik annertunerusunik pissarserusukkuit, tikilluaqqusaavutit attavigissallugu immikkoortoqarfimmi konsulent Martha Lund Olsen oqarasuaat +(299) 48 58 50, mail-ikkut; mlo@qeqertalik.gl imaluunniit; Inuit Qasingiannguani aqutsisoq Sissi Lange Zeeb oqara. 38 71 33, sila@qeqertalik.gl
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut uunga nassiunneqassappput;
Qinnuteqaatinut killigititaq tassaavoq ulloq 18. November 2025, atorfinitsitsinissamullu oqaloqatiginninnissat qinnuteqarfissap naanerata kinguninngua ingerlanneqassapput.
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: novembarip 18.-at, 2025