Kommune Qeqertalik Aasiaat Gammeqarfik
Gammeqarfik atuarfiuvoq 420-it missaani atuartuutilik 37-nillu ilinniartitsisulik, Immikkoortukkaartumillu sulillutik.
Atuarfik Gammeqarfik tallimanik ilinniartitsisunik pissarsiorpoq:
Ulloq 1. november 2026 imaluunniit isumaqatigiissuteqarnikkut atorfinittussanik.
Ilinniartitsisutut atorfiit ukunani atuartitsisinnaasunik:
Akulliit alloriarfianni ilinniartitisisut marluk fagini tamaginni ukunani: Inuttut inerikkiartorneq, Kalaallisut, Qallunaatut, Tuluttut, Inuiaqatigiilerineq oqaluttuarisaanerlu, Upperisalerineq isumalioqqissaarnerlu kiisalu inuttut inerikkiartorneq
Angajulliit alloriarfianni ataaseq fagini tamaginni ukunani: Inuttut inerikkiartorneq, Kalaallisut, Matematik, eqaarsaarneq silamiinnerlu, Inuiaqatigiilerineq oqaluttuarisaaneq, Upperisalerineq isumalioqqissaarneq, Biologi, Naturgeografi,Fysik / Kemilu.
Immikkut atuartitsitsinermi angajullerni marluk fagini ukunani: IFU (aaliangersimasumik fageqarani atuartitsineq) kiisalu oqaatsit.
Qinnuteqarfissaq digitaliusumik Kommune Qeqertaliup nittartagaatigut immersorneqassaaq.
Atorfinitsitsineq pissaaq isumaqatigiissut Kalaallit Nunaanni Naalakkersuisut aamma Ilinniartitsisut Meeqqat atuarfianeersut kattuffiat, IMAK malillugit. Qinnuteqartut tjenestemanditut atorfeqartoq qinnuteqarpat, tjenestemanditut atorfinini pigiinnassavaa.
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Paasissutissanik annertunerusunik piniartoqarsinnaavoq atuarfiup pisortaaneranut Kristine Hendriksen oqarasuaammut 89 47 55 imaluunniit email: gammeqarfik@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: oktobarip 29.-at, 2026