Kommunemi paaqqinninnikkut ataatsimoorussami sullissivik, Aasianni Utoqqaat ikiortariaqartullu angerlarsimaffiat
Igaffimmi aqutsisumik pissarsiorpoq
Atorfiniffissaq: 01. November 2024 isumaqatigiinnikkulluunniit
”KPAS” Kommunemi paaqqinninnikkut ataatsimoorussamik sullissivik, utoqqarnik ikiortariaqartunillu paaqqinnittarfk angerlarsimaffimmilu ikiorteqarfik katigussaq igaffimmi aqutsisumik pissarsiorpoq,
ilinniagalimmik ernæringsassistentitut, økonomatut, igasutut igaffimmi aqutsisutut/igaffimmi ikiortitut, imaluunniit Ungkokitut nerisassiornermiluunniit ikiortitut ilinniagalimmik igaffissuarni, sulisitsisutut allaffissornikkullu misilittangartooq.
Igaffiup ulluinnarni akisussaaffigaa najugaqartunut aaliangersimasunut 35-nut, qasuersertumullu 1-mut, kiisalu 10-t missaanni avataani najugalinnut nerisitsisarneq.
Iggavimmi 7-nik sulisoqarpoq, tullersorti ilanngullugu, lærling-i ataaseq.
Ulluinnarni pingaarnertut suliassat akisussaaffiillu:
Igaffimmi aqutsisoq ulluinnarni igaffimmi igaffimmut tunngassutillit tamaasa igaffimmilu sulisut ilanngullugit akisussaaffigai, qaninnertut pisortaarissuat Ningiuuneq:
- Pilersaarusiorneq, sulissanik ingerlatitseqqiineq, nerisassiorneq ineqartut angerlarsimaffimmilu ikiortakkat nerisaqarneranik pitsaassusaanillu qulakkeerinninneq.
-Nerisitsinerit tamakkerlugit nerisassiat inuussutissaqarluarneranik pitsaassutsimillu qulakkeeriuarneq, naaleqquttunik tamatigoortunik nerisassiorneq, imatut paasillugu ineqartut ataasiakkaat/nerisittakkat ataasiakkaat pisariaqartitaat malillugu nerisassiorneq.
- qulakkeerineq, sullitanik sullissisunillu assigiinngissitaartunik suleqateqarnermi.
- isumasioqatingalugu nerisaqarnerup tungaatigut aningaasaqarnermik aqutsineq.
-Ningiuuneq, allaffimmiorlu isumasioqatingalugu igaffiup iluani nerisassanik nerisassiornerullu tungaatigut qinnutissanik aqutsineq allaffissornikkullu aqutsineq.
-Eqqiluiisaarnerup tungaatigut eqqiaanikkut, igaffimmullu tunngassuteqartut atortunik aserfallatsaaliuinermik qulakkeerinninneq, igaffiup iluani, ininilu allani igaffimmut atasuni, qeritsitsivinni, nerisassat il.il.
-Nerisassat allassimaffianik suliaqarneq, immikkullu ittunik nerisassiornermik pilersaarusiorneq.
-Suliassanik iggavimmut tunngassutilinnik piareersaaneq, pilersaarusiorneq, ataqatigiissaarineq, sulinermilu pilersaarutinik sananeq.
-Sulisunik ilinniartunillu ilinniartitsineq, ilitsersuineq
Naatsorsuutigaarput illit:
Ulluinnarni suliassatit nammineq piareersartassagitit, suliassaqarfippit tungaatigut aqutsineq, suliassanik ujartuineq, anguniagaqarneq ingerlatissagit:
-Ulapillutit nuannarissavat, tilkaldevagt-eqarneq (angerlarsimaffimmi ulloq unnuarlu pigaartutut piareersimaneq).
-Attaveqarluarsinnaasutit oqaloqatigiinnermi allannermilu, tamatigoortuusutit, aalaakkaasutit oqarsinnaallutit, suleqataalluartuusutit utoqqaallu illuatalu maleruaqqusaat malillugit suliaqarsinnaasutit, suliassallu assigiinngisitaartut illup iluani suleqatit peqatingalugit suliarineqartartut peqqataaffingilluarsinnaagitit, allanik ilinniagalinnik suleqateqarsinnaasoq.
- Ineqartunut qanigisaasut ilaqutaasullu suleqatingilluarsinnaagitit, kaffillernerni (nalliuttuni ilisinernilu)
- Atorfimmi inuttullu ineriartornissat ammaffingalugu peqataasutit
- Suleqataalluartutit suleqatikkuminartutit
- Ulapillutit nuannarissavat, suliffiullu avataatigut tilkaldevagt-eqarneq “Rådighedstjeneste” (ulloq unnuarlu angerlarsimaffimmit)
Akissaatinut atorfinitsitaanermullu tunngatillugit atugassarititaasut:
Akissarsiat atorfinitsitaanermilu atugassarititat,
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Atorfik pillugu annertunerusumik paasiniaasoqarsinnaavoq, uunga saaffiginninnikkut naingiuuneq Risa B Rafaelsen rira@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: oktobarip 21.-at, 2024