Kommune Qeqertalik Qasigiannguiani Qeersaat Illuanni immikkoortortaqarfimmi utoqqaat pisinnaanerusut najungaqarfiani aqutsisumik pissarsiorpoq 1. oktober 2026imaluunniit isumaqatigiissuteqarnikkut atorfinittussamik.
Atorfik sapaatip akunneranut 40 time-iuvoq angerlarsimaffimmilu paarlangaajaannikkut pingaartuusarluni. Qeersaat Illuani najungaqartut 20-iupput, utoqqaallu pisinnaanerusut immikkoortortaqarfiani qulit missaaniillutik. Pisinnaanerusullu immikkoortortaqarfiani sulisut katillutik 10-iupput.
Suliassat akisussaaffiillu:
-Utoqqaat illuani aqutsisut malinnaatillungit immikkoortortamut tunngassuteqartunut
-Immikkoortortami aaqqitassaqarpat iliuusissamik aaqqiissutissamillu pilersaarusiorneq
-Utoqqaat illuani aqutsisunut malinnaatitsineq najungaqartunut attaveqarnermut tunngasunik kiisalu aamma ilaqutaasunut, najungaqartut qanoq ingerlanerat eqqarsaatingalungu.
-Sulisut ataasiakkaat ilisimasaanik piginnaasaannillu ineriartortitsineq aammalu taakkua atorluarnisssaanut qulakkeerinninneq
-Immikkoortortami ataatsimiinnernut pilersaarutinullu ineriartortitsinissanullu tunngasunik akisussaaqataaneq aammalu aqutsisuniik sulisunut malinnaatitineq.
-Aqutsisoqatit peqatingalungit ajornartorsiutit aaqqitassat tungiuinermut, paaqqutarinninnermut aammalu susassaqartitsinermut iliuuseqarfingalungit
-Suliassat takkussortut assigiinngitsut suliaralugit
-Angerlarsimaffimmiit pigaartuuneq
Qinnuteqartup piginnaasai:
·Peqqinnissamut tunuliaqutalimmik ilinniangalik
·Sapinngisamik aqutsinermut ilinniarsimasuussooq imaluunniit misilittangalik.
·Utoqqarnik innarluutilinnillu sullissinermik misilittangalik.
·Suleqatikkuminartoq
Akissarsiat – atorfinitsinneqarneq:
·Akissarsiat atorfininnermilu atugassarititaasut, Naalakkersuisut kiisalu kattuffiup isumaqatigiinniartussaatitaasup akornanni atorfininnerup nalaani isumaqatigiissutaasut naapertorlugit atorfininneq pissaaq.
Atorfimmut inissaqartitsisoqanngilaq.
Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Atorfik pillugu erseqqinnerusumik paasissutissat Qeersaat illuani aqutsisumut paasiniarneqarsinnaapput Louise Hansen oqarasuaat: 91 46 53 imaluunniit e-mail: Lh@qeqertalik.gl imaluunniit tullersortimut Ane-Marie Petersen
anpe@qeqertalik.gl 91 46 53
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaativit tigunissaanut qilanaarpugut.
Qinnuteqarnissamut killissarititaasoq: septembarip 28.-at, 2026