Kommune Qeqertalik Qeqertarsuaq Meeqqerivik ’Kuluk’ perorsaasumik sulisussarsiorpoq ulloq 01. oktober 2026, ullormilluunniit allamik isumaqatigiissuteqarnikkut sulilersinnaasumik.
Meeqqerivik naliginnaasutut ininut pingasunut agguagaavoq. Takorloorparpullu perorsaasoq inimi meeqqanut 0-2-nik ukiulinnut inississasoq. Ini meeqqanut 12-inut naatsorsuussaavoq. Naatsorsuutigineqassaarlu pisariaqarfiini inini pingasuni sulisunik parlakaattartoqarsinnaasoq.
Illit persorsaasutut inimi marlunnik suleqateqassaatit. Taamaammallu ullormut suliassat sukisaarsaatillu qanimut suleqatigiiffiulluartuupput. Meeqqeriviup ulluinnarni aqutsisua qaninnertut sulisitsisorissavat.
Suliassaqarfiit pingaarneq tassaajumaarpoq perorsaanikkut meeqqat ineriartornerat timikkut tarnikkulu nalerisimaarnerat sullisingissallugu meeqqeriviup maleruangassai siunnerfiilu aamma Inatsisartut inatsisaat atuuttuusut malillugit; meeqqat suli atualinngitsut perorsaanikkut inerikkiartuutaasunik ulluunerani neqeroorut tunaartaralugit.
Ilinnit naatsorsuutivut:
·Perorsaasutut ilinniaqarsimasuusutit
·Suleqatikkuminartuusutit nutaaliorusussuseqarlutillu
·Aalajaatsuullutit tatiginartuusutit
·Sammisassaqartitsisinnaasoq
·Angajoqqaanik suleqatiginnilluarsinnaasoq
·Akisussaaffeqarnermik ilisimaarinnittoq, nammineersinnaassusilik
Paasissutissat allat:
Atorfinitsitsinermi akissaasersuineq nalinginnaasumik malittarisassat isumaqatigiissutillu atuuttut malillugit pissaaq.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Meeqqanik pinerliisimannginnermut aammalu pineqaatissinneqarsimannginnermut uppernarsaat:Atorfik una meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfinitsitsiniarneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Allanik paasissutissanik pissarserusukkuit attavigisinnaavat meeqqeriviup ulluinnarni aqutsisua:
Henriette Wille, tlf. 92 29 30, imlt. E-mail hewi@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaativit tigunissaanut qilanaarpugut.
Qinnuteqarnissamut killissarititaasoq: septembarip 28.-at, 2026