Kommune Qeqertalik, Aasiaat, Juniorklub Nuannersoq ikiortimik pissarsiorpoq 15. oktober 2026 imaluunniit isumaqatigiissuteqarnikkut atorfinittussamik.
Juniorklub Nuannersoq atuareernerup kingorna 3-7 klasseni atuartut ornittagarivaat.
Suliffiit:
ataasinngornermiit tallimanngornermut nal. 8:30 – 16:30 unnukkullu 19:00 – 21:30 akornanni. Piffissaq suliffik nikerartuuvoq paarlakaattumillu unnukkoorfiulluni.
Juniorklub Nuannersumi pissutsit:
·Juniorklubbimi atorfik tamakkiisumik suliffiuvoq sap.ak. nal.ak. 40-t.
·Juniorklub Nuannersumi ingerlatsineq immikkoortortaqarfiup TIMI TARNI ataani inissisimavoq.
Qinnuteqartussamut piumasaqaatit:
·Akisussaassusilik, takunnissinnaasoq naleqqussarsinnaasorlu.
·Ulapaarfimmi eqqissisimasumik ingerlatsisinnaasoq, eqaatsumik suleriuseqartoq, suleqatikkuminartoq aalajaatsorlu.
·Timikkut tarnikkullu peqqissoq kiisalu ammasoq qiimasorlu.
·Juniorklub Nuannersup anguniagai iliuusissatullu pilersaarutai aallaavigalugit sulisinnaasoq.
Akissarsiat atorfeqarnermilu atugassat:
·Atorfinitsitsinermi isumaqatigiissutit atuuttut malillugit akissaateqartitsisoqassaaq.
·Atorfimmut inissaqartitsisoqanngilaq.
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Atorfik pillugu annertunerusumik paasissutissat Fritidsklub Igdlo og Juniorklub Nuannersumi aqutsisumut paasiniarneqarsinnaapput: Paannaaq Stork telefon 89 47 83
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaativit tigunissaanut qilanaarpugut.
Qinnuteqarnissamut killissarititaasoq: oktobarip 8.-at, 2026