Kommune Qeqertalik Kangaatsiaq inunnik isumaginnittoqarfimmi meeqqanik, inuusuttuaqqanik ilaqutaasunillu isumaginninnermut siunnersortissarsiorpoq 01. December 2025 isumaqatigiinnikkulluunniit atorfinittussamik.
Suliassat akisussaaffiillu ilaatigut makkuupput:
- Kommunip iluani meeqqat inuusuttuaqqallu inuunermikkut atugaat pillugit ornigulluni nakkutiginninneq aammalu meeqqanik inuusuttuaqqanik imaluunniit arnanik naartusunik ikiortarialinnik nalunaarutiginninneq.
- Meeqqat inuusuttuaqqallu ilaqutaanullu tunngasunik saaffiginnissutinik tigusisarneq siunnersuinerlu. Ilaqutariinnik siunnersuineq, ilaqutariinnik oqaloqateqarneq aammalu meeqqanik inuusuttuaqqanillu oqaloqateqarneq.
- Meeqqat inuusuttuaqqallu pillugit misissuineq inunnik isumaginnittoqarfimmi, peqqinnissaqarfimmi atuarfimmilu sulisut suleqatigalugit.
- Inatsisit atuuttut malillugit meeqqanut inuusuttuaqqanullu iluaqusersuutaasinnaasunik nalilersuineq – tamassumap ataani tapersersorteqalernissamut innersuusiorneq aammalu angerlarsimaffiup avataanut inissiinissamut innersuusiorneq.
- Ataatsimiititaliamut tværfagligimut Inunnik isumaginninnikkullu ataatsimiititaliamut iluaqusersuutit atornissaannut qinnuteqaasiorneq.
- Meeqqat inuusuttuaqqallu kommunimiit tapersersortillit nakkutigalugit.
- Meeqqat inuusuttuaqqallu ulloq unnuarlu paaqqinniffiusunut inissitanut aammalu kommunip avataani efterskole-nut inissitanut nakkutiginninneq sullissinerlu. Tamassumap ataani meeqqanut inuusuttuaqqanullu inissitanut angajoqqaajusunut ilaqutaasunullu attaveqaataaneq.
- Meeqqap/meeqqat/inuusuttuaqqat inissitaanerisa qaangiunnerini iliuusissanik isumaqatigiissutaasunik aallarnissaaneq nakkutiginninnerlu.
- Kommunimit aammalu privat-imik angajoqqaarsiaatinneqartut nakkutigalugit tamassumap ataani angajoqqaarsiassatut akuersissutinik tunniussinermut utertitsinermullu innersuusiornerit.
- Socialvagtiusarnermut peqataaneq.
- Immikkut suliassanik assigiinngitsunik suliaqarneq.
Piginnaasat:
- Socialrådgiveri meeqqanik inuusuttuaqqanillu sullissinermik misilittagalik.
- EDB-mik atuisinnaasutut ilisimasalik.
- Ataqatigiissaarisartoq, tatiginartoq, aalajaatsoq, peqqissaartoq suleqatikkuminartorlu.
- Atorfinittussamut piumasaqaataavoq tarnikkut nukittunissaq.
Akissarsiatigut atorfeqartitaanikkullu atugassarititaasut:
Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.
Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.
IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Atorfeqarnerup uninnerani, atorfik aqqutigalugu inissiaq qimanneqassaaq.
Annertunerusumik paasiniaasoqarsinnaavoq INUIT-imi aqutsisoq Susan Filemonsen telefon 701900–mut imaluunniit mail aqqutigalugu susa@qeqertalik.gl saaffiginninnikkut.
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissat tigunissaanut qilanaaraarput.
Qinnuteqarnissamut killissarititaasoq: novembarip 5.-at, 2025